Մարզերից բերված բոլոր հուշարձանները վերադարձվելու են իրենց տեղերը

PanARMENIAN.Net - ՀՀ մարզերից Երևան բերված բոլոր հուշարձանները վերականգնվելու են, մաքրվելու են, ամրակայվելու են և իրենց տեղն են վերադարձվելու: Այս մասին լրագրողներին ասաց Հայաստանի պատմության թանգարանի տնօրեն Անյելկա Գրիգորյանը:

Օրերս մամուլում և սոցիալական ցանցերում աղմուկ էր տարածվել, որ մարզերից հուշարձաններ են բերվում, Երևանի թանգարանում պահելու համար, տեղահանվում են գերեզմանաքարեր և քրիստոնեական կոթողներ:

Անյելկա Գրիգորյանն ասաց, որ բերվել են առավել վտանգված հուշարձանները, որոնք տուժել են ժամանակից և մարդկային գործոնից:

Թանգարանը նախապես ցուցակագրել է առավել վտանգված կոթողները, ներկայացրել ՀՀ մշակույթի նախարարություն, և 63 հուշարձաններից 31-ը տեղափոխվել են Հայաստանի պատմության թանգարանի բակ:

Հուշարձանների ամրակայումը տեղում, ըստ տնօրենի, հնարավոր չէ, քանի որ անհարժեշտ են համապատասխան պայմաններ:

Նմուշները վերականգնելուց հետո, 2013 թ-ի հունվարի վերջին կբացվի վերականգնված հուշարձանների ցուցահանդեսը: Այն կրելու է «Քարերը ժողովելու ժամանակը» խորագիրը: