Դեկտեմբերին Երևանում կբացվի 3 սահադաշտ, այդ թվում` Ջրաշխարհում 14 նոյեմբերի 2012 - 16:47 AMT PanARMENIAN.Net - Ձմռանը Երևանում կրկին կգործեն սահադաշտերը Կարապի լճում և Կարեն Դեմիրճյանի անվան մարզահամերգային համալիրում: Դրա հետ մեկտեղ սահադաշտ է ծրագրվում բացել Ջրաշխարհում: Ինչպես PanARMENIAN.Net ի թղթակցի հետ զրույցում հայտնեցին «Ակվատեկ» մարզաառողջային համալիրի ընդունարանից, սահադաշտը կբացվի դեկտեմբերին, իսկ հստակ ժամկետը պարզ կլինի նոյեմբերի 25-ից հետո: «Ջրաշխարհ» հանգստի ու զվարճալիքների համալիրն այժմ նախապատրաստական աշխատանքներ է տանում սահադաշտի բացման ուղղությամբ: Տարածքում գործելու են սահադաշտ, վարձույթով չմուշկներ, սահնակներ, մանկական սղարաններ, սրճարաններ, ատրակցիոն խաղեր, Ջրաշխարհ ռեստորանը, ինչպես նաև կանցկացվի ամանորյա տոնավաճառ: Երևանում 2004 թվականից ամեն տարի բացվող Կարապի լճի սահադաշտը կգործի նաև այս տարի: «Ջրային կառույցներ» ՓԲԸ գլխավոր ճարտարագետ Վաղարշակ Վաղարշակյանը տեղեկացրեց, որ այժմ տարվում են սահադաշտի բացման նախապատրաստական, սառույցի և տարածքի պատրաստման աշխատանքները: «Ամեն տարի սահադաշտը բացվում է դեկտեմբերի 1-ին և գործում մինչև մարտի 1-ը: Այս տարին բացառություն չէ, բացումը կարող է մեկ-երկու օրով հետաձգվել` բացառապես ելնելով եղանակային պայմաններից»,- նշեց նա: Մարզահամերգային համալիրի ընդունարանում դժվարացան հստակ ժամկետներ հայտնել` նշելով, որ, ամենայն հավանականությամբ, բացումը տեղի կունենա դեկտեմբերին: Այս սահադաշտը գործում է 2008-ից:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
