Ոչ սահմանված տեղերում և առանց թույլտվության բացօթյա առևտրի համար վարչական տույժերը կմեծանան30 նոյեմբերի 2012 - 22:05 AMT PanARMENIAN.Net - Այսօր ԱԺ-ում տեղի է ունեցել ԱԺ տարածքային կառավարման և տեղական ինքնակառավարման հարցերի մշտական հանձնաժողովի նիստ: Այս մասին PanARMENIAN.Net ին տեղեկացնում են ԱԺ հասարակայնության և տեղեկատվության միջոցների հետ կապերի վարչությունից: Ստեփան Մարգարյանի նախագահությամբ հանձնաժողովը քննարկել և ԱԺ աշնանային, ինչպես նաև առաջիկա քառօրյա նիստերի օրակարգերի նախագծերում ընդգրկվելու համար դրական եզրակացություն է տվել մի շարք օրենսդրական նախաձեռնությունների: Երևանի քաղաքապետի տեղակալ Կամո Արեյանը ներկայացրել է «Վարչական իրավախախտումների վերաբերյալ ՀՀ օրենսգրքում փոփոխություններ և լրացում կատարելու մասին» օրինագիծը: Այն վերաբերում է ոչ սահմանված տեղերում առևտուր անելու և առանց թույլտվության բացօթյա առևտուր իրականացնելու համար վարչական տույժեր սահմանելուն: Առաջարկվում է որոշակիորեն մեծացնել այդպիսի գործունեություն իրականացնելու համար սահմանված վարչական տույժերը: Մասնավորապես ոչ սահմանված վայրերում առեւտուր անելու համար առաջարկվում է սահմանել վարչական տույժ նվազագույն աշխատավարձի հիսունապատիկից յոթանասունապատիկի չափով: Բուսական ծագում ունեցող գյուղատնտեսական ապրանքներ իրացնողներին նախատեսվում է տուգանել նվազագույն աշխատավարձի տասնհինգապատիկից քսանապատիկի չափով և այլն: Առանց թույլտվության բացօթյա առևտուր անելու համար պաշտոնատար անձինք կտուգանվեն ավելի մեծ չափով, քան սովորական քաղաքացիները: Ըստ Կամո Արեյանի` ներկայում գործող վարչական տույժերը չեն նպաստում այս անընդունելի առևտրատեսակի վերացմանը, ուստի անհրաժեշտություն է առաջացել, մեծացնելով վարչական տույժերը, կանոնակարգել դաշտը: Պատասխանելով պատգամավորների մտահոգություններին` Կամո Արեյանը նկատել է, որ գործում է շրջիկ առևտուր իրականացնելու մեխանիզմ, ինչից էլ կարող են օգտվել փոքր չափի առևտուր իրականացնող անձինք: Կամո Արեյանը ներկայացրել է նաև «Տեղական տուրքերի և վճարների մասին» ՀՀ օրենքում լրացումներ և փոփոխություններ կատարելու մասին», «Երևան քաղաքում տեղական ինքնակառավարման մասին» ՀՀ օրենքում լրացում կատարելու մասին», «Տեղական ինքնակառավարման մասին» ՀՀ օրենքում լրացումներ կատարելու մասին» և «Վարչական իրավախախտումների վերաբերյալ ՀՀ օրենսգրքում լրացումներ կատարելու մասին» օրենսդրական փաթեթը, որը նպատակ ունի վերացնել գործող օրենսդրության տարընթերցումները և նոր ձեւակերպումներով հստակեցնել առևտրի և ծառայությունների ոլորտում տեղական ինքնակառավարման մարմինների և տնտեսվարող սուբյեկտների լիազորություններն ու պարտականությունները, գործունեության որոշ տեսակների համար նախատեսել թույլտվության ստացում, տեղական տուրքի վճարում: «Վարչական իրավախախտումների վերաբերյալ ՀՀ օրենսգրքում լրացումներ և փոփոխություններ կատարելու մասին» օրինագիծը ներկայացրել է ՀՀ արդարադատության նախարար Հրայր Թովմասյանը: Նախագծով առաջարկվում է վարչական տույժեր սահմանել բացօթյա առևտրի ժամանակ վաճառվող ապրանքի պահման և վաճառքի համար համապատասխան սարքավորումներով չապահովելու, կենցաղային ծառայության օբյեկտներում մատուցվող ծառայությունների գնացուցակը չփակցնելու, կշռափաթեթավորված և վաճառքի դրված սննդամթերքի փաթեթի կամ մեջդիր պիտակների վրա օրենքով սահմանված նշումների բացակայության և այլ դեպքերի համար: Երկրորդ ընթերցմամբ հանձնաժողովը քննարկել է «Համայնքային ծառայության մասին» ՀՀ օրենքում փոփոխություններ և լրացումներ կատարելու մասին» օրինագիծը, որը ներկայացրել է ՀՀ տարածքային կառավարման նախարարի առաջին տեղակալ Վաչե Տերտերյանը: Օրինագծի նպատակը համայնքային ծառայությանը վերաբերող դաշտի կարգավորումն է: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը | ՌԴ-ն մտադիր է հյուպատոսություն բացել Ստեփանակերտում Նշվել է, որ իդեալական կլիներ, որ հյուպատոսությունը բացվեր 2024–ին Փաշինյանն այցելել է Սարդարապատի հուշահամալիր Նա ելույթ է ունեցել, որին հաջորդել է հանդիսավոր զորահանդեսը Բագրատ սրբազան․ Առավոտյան ժամը 8-ին հավաքվելու ենք սբ Աննա եկեղեցու բակում՝ անելիք ունենք Թե ինչ է արվելու, սրբազանը նախընտրել է նախապես չհայտարարել Պապիկյանն ու Բելգիայի փոխվարչապետը պաշտպանության ոլորտում գործակցության հարցեր են քննարկել Քննարկվել է նաև բազմակողմ ձևաչափերով՝ ՆԱՏՕ-ի և ԵՄ շրջանակում համագործակցությանը |