Ստեփանակերտի օդանավակայանում ցանկացած տեխնիկական խնդիր կարող է այլ մեկնաբանությունների առիթ տալ 6 դեկտեմբերի 2012 - 18:41 AMT PanARMENIAN.Net - ԱՄՆ-ում գտնվող ԼՂՀ ԱԳ նախարար Կարեն Միրզոյանը «Ամերիկայի ձայնի» խնդրանքով անդրադարձել է Ստեփանակերտի օդանավակայանից առաջին թռիչքի ուշացմանը: «Օդանավակայանի վերագործարկումը ԼՂՀ իշխանությունների ինքնիշխան իրավունքն է, ինչպես մի իշխանության, որը լիովին վերահսկում է այդ տարածքը և արտահայտում է բնակչության շահերը և կամքը: Օդնավակայանի գործարկման նպատակը ԼՂՀ բնակչության ազատ տեղաշարժման իրավունքի ապահովումն է: Դա մենք բազմիցս հայտարարել ենք, ես նաև առիթ ունեցա նամակ հղել ՄԱԿ-ի գլխավոր քարտուղարին ի պատասխան Ադրբեջանի իշխանությունների կողմից այնտեղ սանձազերծված քարոզարշավին, որը շատ աղավաղված կերպով էր ներկայացնում Ստեփանակերտի օդանավակայանի հիմնահարցը»,- ասել է Կարեն Միրզոյանը: ԼՂՀ արտաքին գերատեսչության ղեկավարը ևս մեկ անգամ հաստատել է, որ հարցը ձգձգվում է տեխնիկական պատճառներով: «Սովետական Միության ժամանակ ավիացիոն անվտանգության պահանջները, պայմանները շատ տարբեր էին: Մենք, փաստորեն, զրոյից վերակառուցել ենք օդանավակայանը: Այնտեղ տեղադրվում է ամենաժամանակակից տեխնիկա, որը չափազանց բարդ կլիմայական պայմաններում հնարավորություն կտա անխափան, անվտանգ թռիչք ապահովել: Հաշվի առնելով այն քաղաքական թոհուբոհը, որը Ադրբեջանն արհեստականորեն ստեղծում է այս հարցի շուրջ, ցանկացած տեխնիկական վթար կարող է շատ այլ մեկնաբանությունների առիթ տալ: Այդ պատճառով հիմա իշխանությունների համար թիվ մեկ խնդիրն է ունենալ 99 տոկոս վստահություն, որ օդանավակայանն աշխատելու է անխափան և առանց որևէ խնդրի»,- ասել է ԼՂՀ արտգործնախարարը:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
