Բարբարոսները պղծել են Երուսաղեմի հայկական գերեզմանատունը և հունական մենաստանը

PanARMENIAN.Net - Երուսաղեմում բարբարոսները հակաքրիստոնեական գրություններ են թողել Սուրբ Խաչ ուղղափառ մենաստանի և հայկական գերեզմանատան դարպասների վրա: Այս մասին հաղորդում է Agence France-Presse-ը:

Հունական ուղղափառ եկեղեցուն պատկանող մենաստանի վանահայրը հաղորդել է, որ գրությունները տեսել է առավոտյան 4:30-ին: Անհայտ անձիք պատերին եբրայերենով մի շարք կարգախոսեր են թողել, ինչպիսիք են «Մահ քրիստոնեությանը» և այլն, փոխանցում է Associated Press-ը: Վանահոր խոսքով, սա արդեն 7-րդ դեպքն է, երբ բարբարոսները պղծում են մենաստանը:

Իսրայելի վարչապետ Բինյամին Նեթանյահուն բարբարոսներին անբարոյական մարդիկ է կոչել: Ենթադրվում է, որ կատարվածի ետևում աջ աարմատականներն են: Ոստիկանությունը բարբարոսության փաստով հետաքննություն է սկսել, հայտնում է Lenta.ru-ն: