Պաշտոնապես մեկնարկում է Հայաստանի Եվրոպական Երիտասարդական Խորհրդարանի գործունեությունը

PanARMENIAN.Net - Հայաստանի Եվրոպական Երիտասարդական Խորհրդարանը պաշտոնապես մեկնարկում է իր գործունեությունը որպես ԵԵԽ անդամ:2012 թվականի դեկտեմբերի 14-ին Եվրոպական Երիտասարդական Խորհրդարանի Հայաստանի ազգային նախաձեռնությունը ստացավ պաշտոնական ճանաչում և Ազգային Կոմիտեի կարգավիճակ:

Հայաստանի Եվրոպական Երիտասարդական Խորհրդարան սկսել է իր աշխատանքները 2012 թվականի հուլիս ամսից, երբ ԵԵԽ Կառավարող մարմինը հաստատեց Հայաստանում ԵԵԽ-ի ստեղծման դիմումը: Հաջորդ 6 ամիսների ընթացքում թիմի իրականացրած պատրաստույթունները և բանակցությունները հանգեցրեցին բացառիկ ընտրական գործընթացի և ճանաչման ձեռքբերմանը: Այսօր

Հայաստանի Եվրոպական Երիտասարդական Խորհրդարանից հայտնում են, որ ԵԵԽ-ն անկախ կրթական ծրագիր է, որը նախատեսված է 16 տարեկանից բարձր երիտասարդների համար: Սա հայ երիտասարդների համար նոր սկիզբ է և յուրահատուկ հնարավորություն, քանի որ այն նպաստում է երիտասարդների մոտ անկախ մտածելակերպի և սոցիալ-քաղաքական նախաձեռնողականության զարգացմանը, ինչպես նաև նրանց տալիս է անհրաժեշտ մասնագիտական և սոցիալական հմտություններ:

ԵԵԽ-ն ամենամեծ եվրոպական հարթակներից մեկն է քաղաքական բանավեճերի, միջմշակութային շփումների, քաղաքական կրթական աշխատանքների և Եվրոպայում երիտասարդների միջև կարծիքների տարածման համար: Հաստատումից ի վեր, բազմաթիվ հազարավոր երիտասարդներ են մասնակցել տարածաշրջանային, ազգային և միջազգային նիստերին, ձեռք բերել ընկերներ և միջազգային ծանոթներ իրենց պետության սահմաններում և դրանցից դուրս: