Մշակվել է ծրագիր, որով 2020-ին Հայաստանը տավարի մսով ինքնաբավ երկիր կդառնա

26 դեկտեմբերի 2012 - 18:16 AMT

PanARMENIAN.Net - Գյուղատնտեսության ոլորտը ՀՀ նախագահի ուշադրության կենտրոնում է: Այս մասին այսօր տարեվերջյան ամփոփիչ ասուլիսի ժամանակ հիշեցրել է Գյուղատնտեսության նախարար Սերգո Կարապետյանը:

Նախարարի խոսքով՝ այս տարի գյուղատնտեսությունն առաջընթաց է արձանագրել: Գյուղմթերքի իրացման ծավալների արդյունքները նույնպես գոհացրել են նախարարին: Գրանցվել է մթերումների դիմաց կատարվող վճարումների բարձր մակարդակ: Մթերված ապրանքների արժեքը կազմում է 26.8 մլրդ դրամ, որի դիմաց այս տարվա դեկտեմբերի 25-ի դրությամբ վճարվել է 26.56 մլրդ դրամ, այսինքն՝ վճարումների մակարդակը կազմել է 99.1 %: Մնացած գումարը` 0.9 % կվճարվի մինչև դեկտեմբերի վերջը:

Սերգո Կարապետյանը կարևորել է պարենային անվտանգության ապահովումն ու մասնավորեցրել, որ նախարարության կողմից մշակվել է ծրագիր, որով 2020-ին Հայաստանը տավարի մսով ինքնաբավ երկիր կդառնա:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով