Արման Մելիքյանը հանդիպել է ԵԱՀԿ դիտորդական առաքելության ղեկավար Հեյդի Թալիավինիի հետ24 հունվարի 2013 - 20:41 AMT PanARMENIAN.Net - Այսօր ՀՀ Նախագահի թեկնածու Արման Մելիքյանն ընդունեց ԵԱՀԿ դիտորդական առաքելության ղեկավար` դեսպան տիկին Հեյդի Թալիավինիին: Հանգամանալից զրույցի ընթացքում Արման Մլիքյանն իր մտահոգությունը հայտնեց այն կապակցությամբ, որ Հայաստանում առկա քաղաքական իրողությունները միանշանակ հաստատում են, որ ՀՀ-ից հեռացած` քվեարկելու իրավունք ունեցող քաղաքացիների առնվազն կես միլիոն քվեները կրկին հավելագրվելու են հօգուտ իշխող կուսակցության թեկնածուի, եթե իրադարձությունների նման զարգացումը կանխելու ուղղությամբ եռանդուն ջանքեր չգործադրվեն: Արման Մելիքյանն այն համոզմունքն արտահայտեց, որ ընտրակեղծարարությունը կանխող կարևոր քայլ կլինի ընտրությունների օրինականությունն ապահովող և վերահսկող մարմնի` ԿԸՀ-ի կողմից Հայաստանից հեռացած, սակայն ընտրելու իրավունք ունեցող քաղաքացիների, ՀՀ քաղաքացիություն ընդունած, սակայն մշտապես արտերկրում բնակվող սփյուռքահայ հայրենակիցների, ինչպես նաև ՀՀ քաղաքացիությունից հրաժարված անձանց թվաքանակի վերաբերյալ արժանահավատ տեղեկատվության հրապարակումը: ԵԱՀԿ դիտորդական առաքելության ղեկավարին հանձնվեց այս խնդրին առնչվող փաստաթղթերի փաթեթը, որը ներառում էր Արման Մելիքյանի` ԿԸՀ նախագահ Տիգրան Մուկուչյանին հասցեագրված նամակի, ԿԸՀ-ի կողմից նամակում ներառված առաջարկների վերաբերյալ ընդունված որոշման պատճենները, ԿԸՀ նիստի արձանագրությունը /թղթի կրիչի վրա և նիստի ձայնագրության էլեկրոնային տարբերակը/, ինչպես նաև ԿԸՀ որոշման կապակցությամբ Արման Մելիքյանի նախընտրական շտաբի տարածած հայտարարությունը: Նշվեց, որ ԿԸՀ-ն մերժել է Հայաստանից մեկնած քաղաքացիների թվաքանակի վերաբերյալ տեղեկություններ հրապարակելու առաջարկը, իսկ ՀՀ քաղաքացիություն ձեռք բերած սփյուռքահայ հայրենակիցների և քաղաքացիությունից հրաժարված անձանց մասով` վերահասցեագրել է ՀՀ Ոստիկանության ԱՎ վարչությանը և, որ առ այսօր, վերջինս որևէ կերպ չի արձագանքել նամակում բարձրացված հարցերին: Հեյդի Թալիավինին տեղեկացվել է նաև այն մասին, որ որևէ պարագայում թեկնածուն չի դիմելու ՀՀ դատական ատյաններին` համարելով, որ Հայաստանում գործող կոռուպցիոն կառավարման համակարգի առկայության պայմաններում, անհնար է ակնկալել արդարադատության իրականացում: Դեսպան Հեյդի Թալիավինին հավաստիացրեց, որ ԵԱՀԿ դիտորդական առաքելությունը պատրաստ է համագործակցել բոլոր խնդրահարույց հարցերը պարզելու և ընտրությունների օբյեկտիվ գնահատման համար անհրաժեշտ տեղեկատվություն փոխանակելու համատեքստում: Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Փաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցում Օդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ |