  Ռ.ՔՈՉԱՐՅԱՆ. ՀԱՅԿԱԿԱՆ ԿՈՂՄԸ ՇԱՀԱԳՐԳՌՎԱԾ Է ՄԱԳԱՏԷ-Ի ՀԵՏ ՀԱՄԱԳՈՐԾԱԿՑՈՒԹՅԱՆ ԽՈՐԱՑՄԱՄԲ28 հուլիսի 2005 - 13:07 AMT PanARMENIAN.Net - Հայաստանի նախագահ Ռոբերտ Քոչարյանն այսօր հանդիպել է Միջուկային էներգիայի միջազգային գործակալության (ՄԱԳԱՏԷ) գլխավոր տնօրեն Մոհամմադ Էլ Բարադեյին, տեղեկացնում է պետության ղեկավարի մամուլի ծառայությունը: Գոհունակություն հայտնելով Հայաստանի կառավարության եւ ՄԱԳԱՏԷ-ի միջեւ ձեւավորված համագործակցության առթիվ` ՀՀ նախագահը նշել է, որ հայկական կողմը շահագրգռված է գործընկերության խորացմամբ` նկատի ունենալով նաեւ Մեծամորի ատոմակայանի անվտանգության հարցերը: Զրուցակիցները քննարկել են Հայկական ատոմակայանի անվտանգ շահագործման եւ արդյունավետ աշխատանքի ապահովման խնդիրները: Ռոբերտ Քոչարյանը նշել է, որ Հայկական ԱԷԿ-ի անվտանգության մակարդակի բարձրացմանը լուրջ ուշադրություն է հատկացվում: Ատոմակայանի աշխատանքը մշտապես վերահսկվում է ՀՀ նախագահին կից գործող Ատոմային էներգետիկայի անվտանգության խորհրդի կողմից, որի կազմում ընդգրկված են տարբեր երկրների ճանաչված մասնագետներ: Հանդիպման ընթացքում կողմերը մտքեր են փոխանակել նաեւ Հայաստանի էներգետիկ ոլորտի խնդիրների եւ զարգացման հեռանկարի, էներգիայի այլընտրանքային աղբյուրների օգտագործման վերաբերյալ: ՀՀ նախագահը նշել է, որ արդեն իսկ ընթացքի մեջ է հանրապետության էներգետիկայի ոլորտի զարգացման ռազմավարական ծրագիրը:  Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
