ԿԸՀ. Թեկնածուի համար անհաղթահարելի խոչընդոտ ճանաչելու իրավասությունը վերապահված է սահմանադրական դատարանին 1 փետրվարի 2013 - 17:38 AMT PanARMENIAN.Net - ՀՀ կենտրոնական ընտրական հանձնաժողովն այսօր գումարել է հերթական նիստ: Նախքան նիստի օրակարգին անցնելը ՀՀ կենտրոնական ընտրական հանձնաժողովի նախագահ Տիգրան Մուկուչյանը ներկայացրել է կենտրոնական ընտրական հանձնաժողովի հայտարարությունը . «Հանրապետության նախագահի թեկնածու Պարույր Հայրիկյանի դեմ իրականացվածը խստորեն դատապարտում ենք` որակելով այն ճղճիմ, նենգ ու ստոր արարք` ուղղված ընտրական բնականոն գործընթացների խոչընդոտմանը: Հուսով ենք, որ միջադեպն արագ կբացահայտվի, և բոլոր մեղավորները կկրեն իրենց արժանի պատիժը: Պարոն Հայրիկյանին մաղթում ենք առողջություն և շուտափույթ ապաքինում»: Տիգրան Մուկուչյանը ներկայացրել է նաև Հանրապետության նախագահի թեկնածուի համար առաջացած խոչընդոտներն անհաղթահարելի համարելու` ՀՀ օրենսդրությամբ սահմանված կարգն ու պայմանները` մասնավորապես նշելով, որ Հանրապետության նախագահի թեկնածուներից մեկի համար անհաղթահարելի խոչընդոտ ճանաչելու իրավասությունը վերապահված է ՀՀ սահմանադրական դատարանին, իսկ այդ հարցով ՀՀ սահմանադրական դատարան կարող է դիմել բացառապես այն թեկնածուն, ում համար, ըստ տվյալ թեկնածուի, առաջացել է այդ խոչընդոտը: Նշվածով պայմանավորված և հաշվի առնելով այն հանգամանքը, որ ընտրական օրենսգրքով սահմանված գործողությունները կասեցնելու կամ դադարեցնելու գործառույթ կենտրոնական ընտրական հանձնաժողովի համար սահմանված չէ, հանձնաժողովը, ընտրական օրենսգրքի պահանջներին համապատասխան, նիստում քննարկել է 2013թ. փետրվարի 18-ի Հանրապետության նախագահի թեկնածուների նախընտրական հիմնադրամներ կատարված մուծումների և դրանց օգտագործման վերաբերյալ առաջին հայտարարագրերի ստուգման արդյունքում ԿԸՀ վերահսկիչ-վերստուգիչ ծառայության կողմից կազմված տեղեկանքը` 14.01.2013թ.-30.01.2013թ. ժամանակահատվածի համար: Քննարկման արդյունքում փաստվեց, որ հիշյալ հարցով պայմանավորված ընտրական օրենսգրքի որևէ խախտում չի արձանագրվել, և տեղեկանքը տեղադրվեց ԿԸՀ համացանցային կայքում: Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Գեղասահորդուհի Սոֆյա Տիտովան կներկայացնի Հայաստանը․ Նա ՀՀ քաղաքացիություն է ստացել Նա մարզվում է Եվգենի Պլյուշչենկոյի ակադեմիայում Ռուսական Առաջին ալիքի հեռարձակումը վերսկսվել է․ Պարտքը մարվել է «Հաջորդ օրը Առաջին ալիքն ամբողջությամբ վճարեց պարտքը»,–ասել է Հայրապետյանը ՄԻՊ․ Անթույլատրելի է որևէ պարագայում ոստիկանության կողմից անհամաչափ ուժի կիրառում ՄԻՊ արագ արձագանքման խումբ է մեկնել ոստիկանության Կենտրոնական բաժին ՌԴ ՊՆ ղեկավար․ Հատկապես մտահոգիչ են Վաշինգտոնի և Բրյուսելի պլանները մեր հայ գործընկերների մասով Նա հավելել է, որ «Հայաստանին ու Ադրբեջանին հակասությունների կարգավորման համար պարտադրվում են միջնորդական ջանքեր» |