Անդրիաս Ղուկասյանի առոջական վիճակը վատացել է

PanARMENIAN.Net - ՀՀ նախագահի թեկնածու Անդրիաս Ղուկասյանի առողջական վիճակը լավ չէ: Թեկնածուն շարունակում է հացադուլը, պառկած է և դժվարությամբ է շփվում այցելութների հետ: Թեկնածուն գտնվում է բժիշկների հսկողության տակ:Այս առավոտից թեկնածուի վիճակը վատացել է: Շտապօգնության աշխատակիցները չափել են ճնշումը, որն այդ պահին 80-40 է եղել:

Վերջերս Անդրիաս Ղուկասյանը արյան հետազոտություն է անցել, որի արդյունքները ցույց են տալիս, որ հացադուլի ընթացքում հացադուլավորների վիճակը բնութագրող պաթոֆիզիոլոգիական շեղումները միանշանակ համապատասխանում են երկրորդ փուլին, որին հատկանշանական է ֆերմենտային համակարգերի էական վերափոխումներ էնդոգենային սնուցման ապահովման համար։ Էնդոգեն սնուցման կլինիկական բնութագրիչներն են մետաբոլիկ ացիդոզ, կետոնէմիա, կրատինուրիա և այլն, որոնք արտացոլում են ճարպերի, սպիտակուցների և ածխաջրերի արտահայտված քայքայումը։

Այդ փոփոխությունների որոշակի անուղակի փոփոխությունները արդեն կան Անդրիաս Ղուկասյանի արյան հետազոտման տվյալներում։ Երկարաժամկետ քաղցի երկրորդ փուլը պահանջում է օրգանիզմի վիճակի մշտադիտարկում, որպեսզի ժամանակին կանխել անցումը դեպի կարճատև(մոտ 3–5օր) եզրափակիչ փուլ, որի ժամանակ ի հայտ են գալիս անդարձելի փոփոխություններ։

Անդրիաս Ղուկասյանն արդեն 17 օր է հացադուլ է անում: Նա Կենտրոնական ընտրական հանձնաժողովից պահանջում է, որ անվավեր ճանաչեն ՀՀ նախագահի թեկնածու, գործող նախագահ Սերժ Սարգսյանի գրանցումը: