 Ռուստամյանն իր քվեաթերթիկը անվավեր կդարձնի՝ շեշտելու ընտրությունների անվավեր լինելը 8 փետրվարի 2013 - 13:16 AMT PanARMENIAN.Net - Ընտրություններից մի քանի օր առաջ ՀՅԴ-ն կհայտարարի, թե իր ընտրազանգվածը ինչպես քվեարկի: Ըստ ԱԺ ՀՅԴ խմբակցության ղեկավար Արմեն Ռուստամյանի՝ շտապելու կարիք չկա և մինչև այս պահը անսպասելի փոփոխություններ են լինում: Այսօր Ազգային ժողովի ճեպազրույցների ժամին Արմեն Ռուստամյանը հայտնեց, որ ինքը հակված է գնալ ընտրության և քվեաթերթիկի վրա գրել՝«բոլորին դեմ»: «Մեր առաջարկը, որ քվեաթերթիկում լինի բոլորին դեմ քվեարկելու հնարավորություն, դժբախտաբար չանցավ: Դա հնարավորթյուն կտար, որ բոյկոտը իրավական հետևանքներ առաջացներ: Այդ դեպքում բոլորին դեմ քվեարկելու կոչ կանեինք: Ժամանակին օրենսգիրքը թույլ էր տալիս, որ եթե հիսուն տոկոսից ավելի ընտրողները բոլորին դեմ են քվեարկել, ապա ընտրությունները համարվում են չկայացած: Դա իսկապես ճիշտ ձև էր, որ ընտրողները կարողանային ընտրությունների գործընթացի վերաբերյալ իրենց կարծիքը հայտնել»,- ասաց Արմեն Ռուստամյանը: Նա նկատեց, որ իշխանությունները նպատակ ունեին ընտրությունները հեզասահ անցկացնելու և, բնականաբար, պետք է թույլ չտային նման հնարավրություն: Իր քվեաթերթիկը անվավեր դարձնելով Արմեն Ռուստամյանը ցանկանում է շեշտել ընտրությունների անվավեր լինելը: «Մենք չենք մասնակցում հենց այդ փաստը արձանագրելով, մեր չմասնակցելը պայքարի ձև է, որպեսզի վերջ դնենք ընտրությունների այս անօրինական ձևին»,- ասաց ՀՅԴ պատգամավորը:   Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ   Ամենաընթերցվողը բաժնում |  Վերջին լուրեր Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից  Դեսպանությունը պարզաբանում է ստացել Վրաստանի ԱԳՆ–իցՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնելՓաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցումՕդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ |
