Հայազգի Քիմ Քաշքաշյանն արժանացավ Գրեմմի մրցանակի11 փետրվարի 2013 - 12:43 AMT PanARMENIAN.Net - Հայտնի ամերիկահայ ալտահար Քիմ Քաշքաշյանն իր «Kurtág & Ligeti: Music For Viola» կատարումով «Գրեմմի» 55-րդ մրցանակաբաշությունում արժանացել է «Լավագույն դասական գործիքային սոլո» մրցանակի: Այս անվանակարգում նոմինացված էին ևս 4 երժիշտ: 61-ամյա հայազգի ալտահար Քիմ Քաշքաշյանը ծնվել ու մեծացել է Միչիգանում, ԱՄՆ: Ավարտել է Peabody կոնսերվատորիան, աշակերտել Վոլթըր Տրեմփլերին և Քարեն Թութըլին: Որպես մենակատար հանդես է գալիս Նյու Յորքի, Բեռլինի, Վիեննայի, Լոնդոնի, Միլանի Մյունխենի և Տոկիոյի նվագախմբերի հետ` Ռիկարդո Շայիի, Քրիստոֆ Էշենբախի, Ռիկարդո Մուտիի ու այլ հայտնի դիրիժորների ղեկավարությամբ: Մենահամերգներ է ունեցել Նյու Յորքում (Metropolitan Museum և 92nd Street "Y"), Բոստոնում, Վաշինգտոնում, Ֆիլադելֆիայում,Փիթսբուրգում, Սան Ֆրանցիսկոյում, Քլիվլենդում, Լոս Անջելեսում: Աշխատել է բազմաթիվ կոմպոզիտորների հետ, այդ թվում՝ Բուխարդի, Գուբայդուլինայի, Գիա Կանչելիի, Պենդերեցկու, Պյարտի, Ջոլասի, Էթվոշի Կուրթագի ու Մանսուրյանի հետ: 2009-ի «Երևանյան» միջազգային երաժշտական փառատոնի շրջանակում Քաշքաշյանն այցելել է Հայաստան: Այստեղ նա խոստովանել է, որ մեծ հաճույքով աշխատել է կոմպոզիտոր Տիգրան Մանսուրյանի հետ: Նա վերադարձել է նաև 2012-ին՝ արդեն «Երևանյան հեռանկարներ» 13-րդ միջազգային փառատոնի շրջանակում: Երաժշտի նվագացանկում ընդգրկված են ինչպես դասական, այնպես էլ ջազային ու ժամանակակից գործեր: Քաշքաշյանի կամերային համերգների գործընկերներն են դաշնակահար Ռոբերտ Լևին, և հարվածային գործիքների կատարող Ռոբին Շուլկովսկին:Հանդես է եկել the Tokyo, Guarneri և Galimir Quartet-ների հետ, ինչպես նաև եզակի կազմ ունեցող` Գիդոն Կրեմեր, Դանիել Փիլիպս, Քիմ Քաշքաշյան և Յո-Յո Մա քառյակով: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Ըստ ՌԴ ԱԳՆ–ի՝ ԵՄ հետ առանց վիզայի ռեժիմը բացասաբար կազդի ՀՀ անվտանգության վրա Նշվել է, որ դա կնպաստի հեռանկար ունեցող երիտասարդների արտահոսքին Women in Business of Armenia կոնֆերանս՝ Visa-ի և EBRD-ի կազմակերպմամբ Պանելային քննարկմանը մասնակցել է նաև Evoca-ի Վարչության նախագահի տեղակալ Տաթևիկ Խաչատրյանը Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին Նա TED Talks ձևաչափով խոսել է «Նոր ղեկավարման ոճ: Թվային փոխակերպում» թեմայի շուրջ Ստանո․ Բլինքեն-Փաշինյան -Ֆոն դեր Լայեն հանդիպումը նվիրված չի լինելու «անվտանգության երաշխիքներին» ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու |