ԵՄ հետ Ազատ առևտրի պայմանագրին միանալու շուրջ բանակցությունների հերթական փուլը կանցնի Երևանում

PanARMENIAN.Net - ԵՄ հետ Ազատ առևտրի մասին համապարփակ պայմանագրին միանալու շուրջ բանակցությունների հերթական չորրորդ փուլն անցավ փետրվարի 5-7 Բրյուսելում: Կողմերին հաջողվեց ճշտել մանրամասները 5 գլուխների շուրջ՝ առևտրի տեխնիկական խոչընդոտների վերացում, պետգնումներ, վեճերի կարգավորում, մաքսային գործընթացների ներդաշնակեցում:

Ինչպես հայտնեց ՀՀ էկոնոմիկայի նախարարի տեղակալ Գարեգին Մելքոնյանը, ԵՄ հետ Ազատ առևտրի պայմանագրին միանալու շուրջ բանակցությունների հերթական փուլը կանցնի Երևանում 2013թ. ապրիլին:

TWINNING և ТAIEX գործիքները նպաստում են ՀՀ և ԵՄ անդամ-երկրների հանրային կառավարման մարմինների անմիջական համագործակցությանը և օժանդակում ՀՀ օրենսդրության մոտարկմանը ԵՄ չափանիշներին: Այդ մասին դեկտեմբերի 21-ին Երևանում մամլո ասուլիսում ասել է SATTO` «Աջակցություն ՀՀ էկոնոմիկայի նախարարության ԵՄ ծրագրերի բաժնին` TWINNING և ТAIEX գործառույթների իրականացմանը» ծրագրի ղեկավար Պատրիկ Մունիե-Լոմպրենը: Նրա խոսքով, Հայաստանի պետական կառույցների հետ ԵՄ փորձագետների խորհրդատվական աջակցությունը կոչված է աջակցել Հայաստան-ԵՄ Ասոցիացման համաձայնագրի ու Խոր և համապարփակ ազատ առևտրի համաձայնագրի վերաբերյալ իրականացվող բանակցությունների գործընթացին:

Իր հերթին Հայաստանի էկոնոմիկայի նախարարի տեղակալ Գարեգին Մելքոնյանը հաղորդել է, որ 2009-ից Հայաստանում իրականացվել են ТAIEX ավելի քան 70 ծրագրեր, իրագործման գործընթացում են գտնվում TWINNING 18 ծրագրեր: Այդ ծրագրերի թիրախային ուղղությունների շարքում նա նշել է սննդամթերքի անվտանգության, մտավոր սեփականության պաշտպանության, հարկային և մաքսային վարչարարության բարելավման ոլորտները:

TWINNING և ТAIEX ծրագրերի ընդհանուր արժեքը կազմել է 2 մլն եվրո:

Գարեգին Մելքոնյանը նաև հավելել է, որ 2013-2014թթ. Հայաստանում կշարունակվի TWINNING և ТAIEX նոր ծրագրերի մշակումը և իրագործումը: