ՎԱՐԴԱՆ ՕՍԿԱՆՅԱՆԸ ՆՅՈՒ ՅՈՐՔՈՒՄ ԱՆՑ Է ԿԱՑՐԵԼ ՄԻ ՇԱՐՔ ԵՐԿԿՈՂՄ ՀԱՆԴԻՊՈՒՄՆԵՐ16 սեպտեմբերի 2005 - 07:58 AMT PanARMENIAN.Net - Հայաստանի արտգործնախարար Վարդան Օսկանյանը, որը Նյու Յորքում է գտնվում ՄԱԿ-ի Գլխավոր Վեհաժողովի 60-րդ նստաշրջանին մասնակցելու նպատակով, նախօրեին ունեցել է մի շարք երկկողմ հանդիպումներ: Մասնավորապես, տեղի է ունեցել ՀՀ արտաքին քաղաքական գերատեսչության ղեկավարի հանդիպումը Եվրամիության արտաքին կապերի եւ Եվրոպական հարեւանության քաղաքականության հանձնակատար Բենիտա Ֆերերո Վալդների հետ: Հանդիպման ընթացքում զրույց ծավալվեց Եվրոպական հարեւանության քաղաքականության ծրագրում Հայաստանի մասնակցության վերաբերյալ: Վ.Օսկանյանը ամփոփ ներկայացրեց Լեռնային Ղարաբաղի հակամարտության շուրջ բանակցությունների ընթացքը: Նախարարը հանդիպեց նաեւ Կիպրոսի արտաքին գործերի նախարար Ջորջ Յակովուի հետ: Նրանք մտքեր փոխանակեցին տարածաշրջանային խնդիրների, ինչպես նաեւ միջազգային կազմակերպություններում համագործակցության շուրջ: ՀՀ ԱԳՆ ղեկավարը հանդիպել է նաեւ Եգիպտոսի արտաքին գործերի նախարար Ահմեդ Աբուլ Գեյթի հետ, փոխանցելով Հայաստանի նախագահ Ռոբերտ Քոչարյանի շնորհավորական նամակն` ուղղված Եգիպտոսի նախագահ Հոսնի Մուբարաքին Եգիպտոսի նախագահի պաշտոնում վերընտրվելու կապակցությամբ: Կողմերը զրուցեցին նաեւ Միջին Արեւելքի եւ Կովկասի զարգացումների շուրջ: Բացի այդ, Վ.Օսկանյանը հանդիպեց ԵԱՀԿ-ում Բելգիայի հատուկ ներկայացուցիչ Պիեր Շեվալիեի հետ: Նախարարը ներկայացրեց Հայաստան-ԵԱՀԿ համագործակցության տարբեր ոլորտները, գոհունակություն հայտնելով ԵԱՀԿ-ի կողմից ցուցաբերված բազմակողմանի աջակցությունից, ներառյալ ժողովրդավարական եւ տարածաշրջանային զարգացումները: Նախարարը դեսպան Շեվալիեին իրազեկեց Լեռնային Ղարաբաղի կարգավորման շուրջ ընթացող բանակցությունների եւ խնդրի կարգավորման հեռանկարների վերաբերյալ: Երկկողմ հանդիպումներից բացի, Հայաստանի ԱԳՆ ղեկավարը մասնակցեց ՄԱԿ-ի ԳԱ շրջանակներում տեղի ունեցած Ֆրանկոֆոնիայի կազմակերպության բարձրաստիճան պաշտոնյաների հանդիպմանը: Հանդիպման առանցքային հարցերից էր աղքատությունը հաղթահարելու նպատակով զարգացող երկրներին ցուցաբերվելիք օգնության խնդիրները: Վ.Օսկանյանը նաեւ աշխատանքային հանդիպում ունեցավ ԵԱՀԿ Մինսկի խմբի համանախագահ դեսպան Սթիվեն Մանի հետ: Նշենք, որ վարչապետ Ա. Մարգարյանի ելույթը ՄԱԿ-ի Գլխավորվեհաժողովում տեղի կունենա ուրբաթ, սեպտեմբերի 16-ին, իսկ Վ. Օսկանյանը ելույթով հանդես կգա սեպտեմբերի 18-ին: Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Փաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցում Օդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ |