Դիտորդներ. Երեկ տեղի ունեցած ընտրությունները բարելավվում էին 2008-ի համեմատ19 փետրվարի 2013 - 19:38 AMT PanARMENIAN.Net - Երեկ տեղի ունեցած ընտրությունները բարելավվում էին 2008 թվականի համեմատ: Ընտրություններն ընդհանուր առմամբ լավ էին կազմակերպված` հիմնարար ազատությունները,ներառյալ հանրահավաքների և խոսքի ազատությունը, պահպանվել են: Միաժամանակ վարչական ռեսուրսի չարաշահման պատճառով պետության և իշխող կուսակցության գործողությունները հնարավոր չէր հստակ տարանջատել: Եզրահանգումը ԵԽ, ԵԽԽՎ և ԵԱՀԿ/ԺՀՄԻԳ դիտորդներինն է, որոնք այսօր ներկայացրել են իրենց նախնական հայտարարությունը: «Մրցակիցներն ունեցել են ազատ քարոզարշավ իրականացնելու, իսկ ընտրողներն ընտրելու հնարավորություն: Լրատվամիջոցները հավասարաչափ են լուսաբանել և բոլոր թեկնածուներն օգտվել են իրենց հատկացված անվճար եթերաժամից: Նախորդ նախագահական ընտրություններից հետո ընտրական գործընթացում կատարվել են հստակ բարելավումներ», - ասաց ԵԽԽՎ պատվիրակության ղեկավար Քարին Ուոլդսեթը: Դիտորդները հայտարարեցին, որ չնայած որոշ թեկնածուներ պնդում էին, թե ընտրացուցակներն ուռճացված են և մտահոգություն են հայտնել երկրից բացակայող անձանց փոխարեն հնարավոր քվեարկության մասին, այնուամենայնիվ, նշվածի վերաբերյալ ոչ մի փաստ չի տրամադրվել նախքան ընտրությունները: Առաքելությունը դրական է գնահատում ընտրացուցակների ճշգրտման ջանքերը` չնայած նշում է, որ աշխատանք դեռ կա: «Մենք դիտարկել ենք խաղաղ ընտրություններ, որոնց ժամանակ ոչ զգալի դժվարություններ են եղել: Նախորդել է որոշ առումով հանգիստ, զուսպ քարոզարշավը` քաղաքական բանավեճի և իրական մրցակցության ակնհայտ բացակայությամբ», - ասաց ԵԽ պատվիրակության ղեկավար Միլան Ցաբրոնխը և ավելացրեց, որ պատճառը 3 հիմնական կուսակցությունների` թեկնածու չառաջադրելու որոշումն էր: Չնայած թեկնածուներից մեկի դեմ մահափորձին` հենց ընտրության օրը խաղաղ էր ու կանոնակարգված: Նշված է դիտորդների հայտարարության մեջ, որից հետո անդրադարձ կա նաև գործող նախագահի վստահված անձանց անտեղի միջամտությունների և այլ լուրջ խախտումների մասին` ներառյալ ընտրողների վրա ճնշում գործադրելու դեպքերը: «Ընդհանուր առմամբ ընտրությունները կազմակերպվել են արհեստավարժ և արձանագրված խախտումները չէին կարող ազդել արդյունքների վրա», - ասաց ԵԱՀԿ/ԺՀՄԻԳ երկարաժամկետ դիտորդական առաքելության ղեկավար Հայդի Թալիավինին: Հենց նրա խոսքի ժամանակ դիտոդների այս հայտարարություններին դեմ ակտիվիստուհին ընդհատեց ասուլիսն ու սկսեց հայտարարություն կարդալ` կոչ անելով նրանց չլեգիտիմացնել կեղծ ընտրությունները: Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | «Լեռնային Ղարաբաղ. վտանգված հայկական ժառանգություն» խորագրով ցուցահանդես՝ Կանադայի խորհրդարանում Ցուցադրվել են կանադահայ լուսանկարիչ Հրայր «Բազե» Խաչերյանի աշխատանքները Փաշինյանը Բաղանիսում և Ոսկեպարում հանդիպումներից հետո հասել է Կիրանց Կիրանցում լարված իրավիճակ է, գյուղում է նաև ոստիկանապետը ԱԺ պատվիրակությունը մասնակցում է ՆԱՏՕ-ի խորհրդարանական վեհաժողովի աշխատանքներին Պատվիրակությունը գլխավորում է Անդրանիկ Քոչարյանը ԱԳՆ․ ԵՄ կողմից շենգենյան վիզայի վճարի չափի հնարավոր փոփոխությունը չի տարածվի ՀՀ քաղաքացիների վրա ԱԳՆ–ն արձագանքել է մամուլում շրջանառվող որոշ տեղեկություններին |