ANC Australia-ն խստորեն դատապարտել է ԱԳ նախարար Քարրի դիրքորոշումը Հայոց ցեղասպանության հարցում26 փետրվարի 2013 - 16:21 AMT PanARMENIAN.Net - Ավստրալիայի Հայ Դատի հանձնախումբը (ANC Australia) խստորեն դատապարտել է ԱԳ նախարար Բոբ Քարրի դիրքորոշումը Հայոց ցեղասպանության հարցում: Բոբ Քարրը, որը Ավստրալիայի ամենամեծ նահանգի՝ Նոր Հարավային Ուելսի վարչապետն է, գլխավորում էր նահանգը, երբ 1997թ. այն միաձայն ճանաչեց Հայոց ցեղասպանությունը: Իսկ հիմա, զբաղեցնելով դաշնային կառավարության անդամի ու ԱԳՆ ղեկավարի պաշտոնը, ANC Australia-ի գործադիր տնօրեն Վաչե Ղահրամանյանի հարցմանն ի պատասխան հայտարարել է, թե «կառավարությունը չի զբաղվում պատմական հարցերով»: «Անվանելով Հայոց ցեղասպանությունը «պատմական հարց», որն արժանի չէ ուշադրության, սենատոր Քարրը համալրում է Ցեղասպանությունը ժխտողների շարքը, որոնք տանուլ տվեցին, երբ Ավստրալիայի ամենամեծ նահանգը ճանաչեց այդ ոճրագործությունը: Նման ոճիրներն անընդունելի են ավստրալահայերի, ինչպես նաև ողջ աշխարհի հայերի համար, հատկապես այն միլիոնավոր հայերի, որոնք այդ զոհերի ժառանգներն են»,-ասել է Վաչե Ղահրամանյանը: Մենք կոչ ենք անում Բոբ Քարրին հրաժարվել իր դիտողություններից ու հրապարակավ ճանաչել Հայոց ցեղասպանության իրողությունը, ինչպես նա դա արել է մի քանի անգամ: Ցանկացած ցեղասպանության հարց չի կարող օգտագործվել քաղաքական մանևրի կամ շահարկման համար»,-ասվում է ANC Australia-ի ուղերձում: Կոմիտեն նաև պատրաստ է հանդիպել Քարրի հետ իրավիճակը պարզաբանելու համար: Ուշագրավ Մշակվում է Հավաքական անվտանգության խորհրդի որոշման նախգիծը Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները | ԶԼՄ. ՀՀ–ն դիտարկում է Իրանի Չաբահար նավահանգստում India Ports Global Ltd. & Ports օպերատորի հետ գործակցության տարբերակը Ստեղծվել է միջգերատեսչական աշխատանքային խումբ Ռուբինյան․ Թուրքական կողմից սահմանի բացմանն ուղղված քայլեր չենք տեսել «Մենք ակնկալում ենք, որ այդ պայմանավորվածությունը կկատարվի»,-ասել է Ռուբինյանը O’Բրայենը՝ Փաշինյանին․ ԱՄՆ–ն շարունակելու է աջակցությունը ՀՀ կառավարությանը՝ առաջ մղելու բարեփոխումները Փաշինյանն ընդգծել է ԱՄՆ աջակցությունն ուղղված Հայաստանում իրականացվող ժողովրդավարական բարեփոխումներին Idcoin. IDBank-ի հավատարմության համակարգի նոր գործիքը Մեկ idcoin-ը հավասար է մեկ դրամի |