Կառավարությունը մերժել է Արմավիրի քաղաքապետի հրաժարականի դիմումը28 փետրվարի 2013 - 14:07 AMT PanARMENIAN.Net - Փետրվարի 28-ի նիստում կառավարությունը մերժեց Արմավիրի քաղաքապետ Ռուբեն Խլղաթյանի հրաժարականի վերաբերյալ դիմումը: Անդրադառնալով այդ հարցին՝ տարածքային կառավարման փոխնախարար Վաչե Տերտերյանը պարզաբանել է, որ նախարարությունում աշխատանքային քննարկում է եղել այդ հարցի վերաբերյալ, պարզելու համար, թե ինչի հետ է կապված հրաժարականի մասին դիմումը: Փետրվարի 25-ին Արմավիրի քաղաքային համայնքի ղեկավար Ռուբեն Խլղաթյանը դիմում էր ներկայացրել հրաժարականի մասին, որը համայնքի ավագանին ի գիտություն էր ընդունել: Կազմվել է համապատասխան արձանագրություն, որը փոխանցվել է տարածքային կառավարման նախարարություն: Վաչե Տերտերյանը նշել է, որ Ռուբեն Խլղաթյանի հրաժարականի մասին հայտարարությունը չի բխում որպես համայնքի ղեկավար իր լիազորությունների կատարման թերացումից, և կրում է զուտ հուզական բնույթ: «Հաշվի առնելով այն փաստը, որ Արմավիրի քաղաքապետը ընտրվել է 2011թ. մարտի 20-ին և դեռևս չի լրացել նրա պաշտոնավարման նույնիսկ կեսը, ինչպես նաև այն, որ Արմավիրում շարունակվում է ծրագրերի իրականացումը, առաջարկում ենք մերժել հրաժարականը»,- ասել է փոխնախարարը: Իր հերթին վարչապետ Տիգրան Սարգսյանը հավելել է, որ նման մոտեցումը ճիշտ է: «Հրաժարականները չպետք է պայմանավորված լինեն քաղաքական գործընթացներով, այլ բուն պարտականությունների հետ են կապված»,-ասել է նա: Ուշագրավ Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Իրանի նախագահի և նրան ուղեկցող անձանց հուղարկավորությունը տեղի կունենա մայիսի 21–ին Ամենաընթերցվողը բաժնում | Դեբեդ և Աղստև գետերի ավազաններում ջրի ելքերը նվազել են Առանձին դիտակետերում միայն դիտվել է ջրի ելքերի մեծացում Ոստիկանները, շղթա կազմելով, փորձել են խոչընդոտել կաթողիկոսի մուտքը Սարդարապատ Կադրերում երևում է, թե ինչպես է վեհափառը մի խումբ հոգևորականների հետ փորձում շարժվել դեպի հուշահամալիր, բայց ոստիկանները խոչընդոտում են ՌԴ-ն մտադիր է հյուպատոսություն բացել Ստեփանակերտում Նշվել է, որ իդեալական կլիներ, որ հյուպատոսությունը բացվեր 2024–ին Վարարման պատճառով մասնակի փլուզվել է նաև Իջևանի Խաշթառակ բնակավայր տանող կամուրջը Աշխատանքներ են իրականացվում հին շրջանցիկ ճանապարհը երթևեկելի դարձնելու ուղղությամբ |