  Ընդունվել է «Երևանի փոքր կենտրոնի կառուցապատման մասին» հայեցակարգը. Լավ է ուշ, քան երբեք 7 մարտի 2013 - 14:18 AMT PanARMENIAN.Net - Հայաստանի կառավարությունը հավանություն է տվել «Երևանի փոքր կենտրոնի կառուցապատման մասին» Հայաստանի Հանրապետության օրենքի նախագծի հայեցակարգին: «Հայեցակարգն ուղղված է փոքր կենտրոնի գերկառուցապատման կանխարգելմանը»,-հայտարարել է ճեպազրույցում ՀՀ քաղաքաշինության փոխնախարար Ռուզան Ալավերդյանը: Փաստաթղթով սահմանազատված է փոքր կենտրոնի տարածքը՝ Կասկադից, Սարալանջի փ., Չարենցի փողոցով և մինչ «Ռուսաստան» կինոթատրոնին ու Կ.Դեմիրճյանի անվան մարզահամերգային համալիրին հարող տարածք: Ինչպես հավաստիացրել է Ռուզան Ալավերդյանը, հայեցակարգի մշակման անհրաժեշտությունը բխում էր նրանից, որ մայրաքաղաքի կենտրոնում չեն կարող կիրառվել կառուցապատման այն նորմերը, որ կիրառվում են հանրապետության մյուս տարածքներում: Դա թույլ կտա ընդլայնել կանաչապատ տարածքները, կանոնակարգել կառուցապատումը պատմամշակութային հուշարձանների հարևանությամբ: Հայեցակարգի սկզբունքներից մեկը «կանաչ» ճարտարապետության սկզբունքն է, էներգախնայող տեխնոլոգիաները: Առաջարկվում է արգելել տանիքների ու վերին հարկերի մասնավոր վերակառուցումները, ներմուծվել է «կանաչ տանիք» հասկացությունը: Հրազդանի կիրճը դիտարկվում է որպես կանաչ բուֆերային գոտի: Մեկնաբանելով լրագրողների այն հայտարարությունը, թե իշխանությունները ուշացրել են «հայեցակարգի ընդունումն ու փոքր կենտրոնն արդեն ամբողջությամբ կառուցապատված է», փոխնախարարը համամիտ չի եղել այդ տեսակետին, ասելով. « Լավ է ուշ, քան երբեք»:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
