Սեդրակ Աճեմյանը դրվատանքով է խոսել սիրիահայերի նկատմամբ ցուցաբերվող աջակցության մասին 9 մարտի 2013 - 16:19 AMT PanARMENIAN.Net - Նախագահ Սերժ Սարգսյանն այսօր ընդունել է Սոցիալ Դեմոկրատ Հնչակյան կուսակցության կենտրոնական վարչության ատենապետ Սեդրակ Աճեմյանին, վարչության անդամ Վազգեն Կալթակճյանին և ՍԴՀԿ Հայաստանի վարչության ատենապետ Գևորգ Պերկուպերկյանին: Հանդիպման սկզբում ՍԴՀԿ կենտրոնական վարչության ատենապետն իր և կուսակցության ղեկավար մարմնի անունից շնորհավորել է Նախագահ Սերժ Սարգսյանին՝ վերընտրվելու կապակցությամբ և հաջողություններ մաղթել պաշտոնավարման երկրորդ ժամանակահատվածում: Սեդրակ Աճեմյանը բարձր է գնահատել Նախագահ Սերժ Սարգսյանի և ՀՀ կառավարության գործունեությունը, ընդգծելով, որ չնայած դեռևս առկա բազմաթիվ խնդիրներին, որոնց նախագահ Սերժ Սարգսյանն անդրադարձել է իր նախընտրական քարոզարշավի ամբողջ ընթացքում, Հայաստանը հաջողությամբ ընթանում է բարեփոխումների ուղիով, և անցած ժամանակահատվածում զգալի աշխատանք է արձանագրվել: ՍԴՀԿ կենտրոնական վարչության ատենապետը փետրվարի 18-ի ընտրությունները նախորդների համեմատությամբ, մի քանի քայլով առաջընթաց է գնահատել, որը դրական արձագանք է գտել նաև միջազգային ասպարեզում: Սեդրակ Աճեմյանը դրվատանքով է խոսել Հայաստանում սիրիահայերի նկատմամբ ՀՀ նախագահի գլխավորությամբ իրականացվող քաղաքականության, մեր հայրենակիցներին ցուցաբերվող մեծ ուշադրության, աջակցության և հոգատար վերաբերմունքի մասին: Նշելով, որ հայ ժողովուրդը դեռևս դժվարին մարտահրավերներ ունի հաղթահարելու, ՍԴՀԿ ներկայացուցիչները կարևորել են համազգային խնդիրների լուծման գործում միասնականությունը և վերահաստատել կուսակցության պատրաստակամությունը՝ շարունակելու ի նպաստ մեր ժողովրդի և պետության աջակցել իշխանություններին՝ այդ խնդիրների լուծման գործում: Նախագահի աշխատակազմի հասարակայնության հետ կապերի և լրատվության վարչությունից հայտնում են, որ նախագահը շնորհակալություն է հայտնել շնորհավորանքի և հնչած գնահատականների համար՝ ընդգծելով, որ բարձր է գնահատում ավանդական կուսակցությունների, այդ թվում՝ ՍԴՀԿ պատմական դերակատարությունը համազգային խնդիրների լուծման գործում և կարևորում է կուսակցության համագործակցության պատրաստակամությունը: Ուշագրավ Վարույթ իրականացնող մարմինն այլևս չի կարծում, որ պետությանը պատճառվել է վնաս Փաշինյանը շնորհակալություն է հայտնել Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ամենաընթերցվողը բաժնում | ԶԼՄ. ՀՀ–ն դիտարկում է Իրանի Չաբահար նավահանգստում India Ports Global Ltd. & Ports օպերատորի հետ գործակցության տարբերակը Ստեղծվել է միջգերատեսչական աշխատանքային խումբ Idcoin. IDBank-ի հավատարմության համակարգի նոր գործիքը Մեկ idcoin-ը հավասար է մեկ դրամի ԳՇ պետն ու Ֆրանսիայի ցամաքային զորքերի հրամանատարը քննարկել են գործակցության զարգացումը Ձեռք են բերվել պայմանավորվածություններ Սոկուրովը մագիստրոսական դասընթաց կվարի Երևանի թատրոնի և կինոյի ինստիտուտում Բուհում արվեստանոց ունենալու առաջարկը նա ստացել է ռեկտորից |