  Մարտի 1-ի դեպքերի ուսումնասիրությամբ զբաղվող ԱԺ ժամանակավոր հանձնաժողով կստեղծվի 15 մարտի 2013 - 13:10 AMT PanARMENIAN.Net - Մարտի 1-ի դեպքերի ուսումնասիրությամբ զբաղվող ԱԺ ժամանակավոր հանձնաժողով կստեղծվի: Այս մասին որոշումն ընդունվեց ԱԺ պետա-իրավական հարցերի մշտական հանձնաժողովի նիստում: Հարցը հանձնաժողովի դրական եզրակացությամբ ընդգրկվեց ԱԺ մեծ օրակարգ և քառօրյա նիստերի օրակարգ: Հանձնաժողովը ձևավորվելու է Էթիկայի հանձնաժողովի ձևավորման սկզբունքով`ունենալու է յոթ անդամ` ՀՀԿ-ն` երկու անդամ, խորհրդարանում ընդդիմություն հայտարարած խմբակցությունները միասին` երեք, իսկ ԲՀԿ-ն մեկ անդամ: Հանձնաժողովում ընդգրկվելու ցանկություն հայտնեց նաև անկախ պատգամավոր Էդմոն Մարուքյանը, ՀՀԿ-ական Դավիթ Հարությունյանն ասաց, որ Հանրապետական խմբակցությունում այդ հարցը կքննարկվի: Նախագծի հեղինակը ՀԱԿ խմբակցության անդամներն են: ՀԱԿ խմբակցության անդամ Գագիկ Ջհանգիրյանը տեղեկացրեց, որ որոշ նախագծում փոփոխություններ են կատարվել` քաղաքական գնահատականները հեռացվել են: ԱԺ Պետաիրավական հանձնաժողովի նախագահ Դավիթ Հարությունյանն ասաց, որ եթե իրենց հաջողվի ստեղծվելիք ժամանակավոր հանձնաժողովի աշխատանքները տանել միայն իրավական ուղով, ապա մեծ հաջողություն կլինի: Նախագծի համահեղինակ Գագիկ Ջհանգիրյանը ևս կողմ է հանձնաժողովը քաղաքական շահարկումներից ու քաղաքական բնույթի քննարկումներից զերծ պահելուն Ավելացնենք, որ հանձնաժողովի նիստերը փակ են լինելու, բաց լինելու մասին կորոշի հանձնաժողովը: Հիշեցնենք, որ 2008-ի դեպքերից հետո ԱԺ-ում ՀՀԿ-ական Սամվել Նիկոյանի գլխավորությամբ նման հանձնաժողով արդեն եղել է:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
