Երևանը կարևորում է Հնդկաստանի հետ միջխորհրդարանական կապերի զարգացումը 21 մարտի 2013 - 16:50 AMT PanARMENIAN.Net - Մարտի 21-ին ՀՀ ԱԺ նախագահ Հովիկ Աբրահամյանն ընդունեց ՀՀ-ում Հնդկաստանի նորանշանակ արտակարգ և լիազոր դեսպան Սուրեշ Բաբուին: Շնորհավորելով դեսպանին պաշտոնը ստանձնելու կապակցությամբ` ԱԺ նախագահը համոզմունք հայտնեց, որ նրա պաշտոնավարման տարիներին երկու երկրների միջև բարեկամական հարաբերությունները առավել կամրապնդվեն, կխորանանան և զգալի ձեռքբերումներ կարձանագրվեն՝ ինչպես միջպետական, այնպես էլ միջխորհրդարանական հարաբերություններում: Հովիկ Աբրահամյանը ընդգծեց երկու երկրների միջխորհրդարանական կապերը ակտիվացնելու և զարգացնելու անհրաժեշտությունը` կարևորելով փոխադարձ շփումները, կոնկրետ ծրագրերի մշակումն ու իրականացումը: ԱԺ նախագահը պատրաստակամություն հայտնեց աջակցել հայ-հնդկական փոխգործակցության զարգացմանը երկկողմ կարևորություն ունեցող ոլորտներում: Խորհրդարանի ղեկավարը կարևոր համարեց համագործակցությունը տեղեկատվական տեխնոլոգիաների, զբոսաշրջության, առողջապահության, գյուղատնտեսության, մշակույթի և կրթության բնագավառներում, հայտնում է ԱԺ մամլո ծառայությունը: Հայաստանում Հնդկաստանի դեսպան Սուրեշ Բաբուն շնորհակալություն հայտնելով ընդունելության համար` նշեց, որ իր ջանքերը կներդնի հայ-հնդկական ջերմ և բարեկամական հարաբերությունները զարգացնելու տարբեր ուղղություններով: Երկուստեք կարևորվեց միջխորհրդարանական կապերի զարգացման և խորացման անհրաժեշտությունը, համագործակցությունը միջազգային կառույցներում: Դեսպանը անհրաժեշտ համարեց առևտրատնտեսական կապերի ակտիվացումը: Հանդիպման ընթացքում քննարկվեցին այլ հարցեր ևս:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
