 Տարածաշրջանում ռուսական աշխարհաքաղաքական դիրքորոշումն ու ՀՀ-ում ՌԴ նոր դեսպանը 25 մարտի 2013 - 13:31 AMT PanARMENIAN.Net - Հայաստանում ՌԴ նոր դեսպանի նշանակումը կապված չէ Մաքսային միություն-Հայաստան հարաբերությունների հետ, կարծում է Կովկասի ինստիտուտի փոխտնօրեն, քաղաքագետ Սերգեյ Մինասյանը: «Մաքսային միության հետ Հայաստանի հարաբերությունները կարգավորվում են ոչ թե դեսպանական, այլ նախագահական աշխատակազմերի մակարդակով: Ուստի դիվանագիտական այն խողովակները, որ օգտագործվում են արևմտյան երկրների և միջազգային կազմակերպությունների դեպքում, այստեղ այնքան էլ արդյունավետորեն չեն օգտագործվում»,- այսօր մամուլի ասուլիսի ժամանակ ասաց Սերգեյ Մինասյանը: Հայ-թուրքական հարաբերությունների դեպքում, ըստ Սերգեյ Մինասյանի, որպես լծակ, կարող է աշխատել ոչ թե ռուսական, այլ արևմտյան և ԱՄՆ ուղղությունը: Եվ նոր դեսպանի նշանակումը լուրջ դեր չի կարող խաղալ հայ-թուրքական հարաբերություններում: «Ինչպես ցույց է տալիս ֆուտբոլային դիվանգիտությունը, Ռուսաստանի ամենամեծ օգնությունը Հայաստանին այս բանակցային գործընթացում եղավ լուռ հետևելը: Արևմուտքն այստեղ ունի ավելի մեծ լծակներ, քան Ռուսաստանը, որը Թուրքիայի հետ հարաբերություններում ունի իր սեփական շահերն ու առանձնահատկությունները»,- ասաց քաղաքագետը: Սերգեյ Մինասյանը նաև նշեց, որ աշխարհաքաղաքական հարաբերությունների առումով, դեսպանների փոփոխությունը Հայաստանի համար որևէ բան չի նշանակում, և դժվար թե մոտակա ժամանակներում մենք ինչ-որ բան տեսնենք` տարածաշրջանում ռուսական աշխարհաքաղաքական դիրքորոշման մասով, եթե, իհարկե, չլինեն աբխազական երկաթուղու վերագործարկման հետ կապված որոշ հարաբերություններ:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
