 Սարգսյան-Հովհաննիսյան համագործակցությունը. Ի՞նչ է անելու ընդդիմությունը, որ չկորցնի ժողորդի վստահութունը 26 մարտի 2013 - 14:46 AMT PanARMENIAN.Net - Սերժ Սարգսյանի և Րաֆֆի Հովհաննիսյանի բանակցությունները, ըստ ԱԺ «Հանրապետական» խմբակցության պատգամավոր Արտակ Դավթյանի, պետք է ողջունել, քանի որ դրանից շահող է դուրս գալու ժողովուրդը, պետությունը և քաղաքական համակարգը: Այս մասին նա ասաց այսօր լրագրողների հետ հանդիպման ժամանակ: Ասուլիսին ներկա էր նաև «Ազատ դեմոկրատներ» կուսակցության ներկայացուցիչ Անուշ Սեդրակյանը, ով նկատեց, որ քաղաքական գործընթացը այս նամակագրության հետևանքով մի քիչ անլրջանում է, և ընդդիմությունը տվյալ գործընթացում պետք է զգույշ լինի, քանի որ այս ընթացքին հետևում է ամբողջ հասարակությունը: «Ընդդիմությունն իրավունք չունի այս գործընթացում ձախողվելու, և պետք է շարժվի հանրային շահերի առաջադրած սցենարով»,-ասաց Անուշ Սեդրակյանը: Արտակ Դավթյանն իր հերթին նշեց, որ կարևորում է սահմանադրական մեխանիզմները. «Ընդդիմությունը կարող է ստանձնել հակակոռուպցիոն հանձնաժողովի ղեկավարի և այլ վերահսկող մարմինների ղեկավարների լիազորությունները»,- ասաց Արտակ Դավթյանը: Նրա խոսքով` ընդդիմությունը, մասնակցելով այդ հանձնաժողովների աշխատանքներին, կնպաստի Հայաստանում իշխանությունների և ընդդիմությունների միջև հակակշռման և զսպման կայուն մեխանիզմների ձևավորմանը: Անուշ Սեդրակյանն այն կարծիքին է, ընդդիմությունը, ընդգրկվելով այդ հանձնաժողովներում, կարող է արատավորվել և կորցնել ժողովրդի վստահությունը: «Ընդդիմությունը պետք է տիրապետի այն գործառույթներին, որոնք նրանց թույլ կտան մասնակցել հակակոռուպցիոն պայքարին և երկրում տեղի ունեցող բարեփոխումներին»,- ասաց նա:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
