ԱԻՆ Ճգնաժամային կառավարման կենտրոնի և «911» ծառայության արդյունավետությունը մեծանում է10 ապրիլի 2013 - 18:33 AMT PanARMENIAN.Net - Ապրիլի 2-13-ը ՀՀ ԱԻ նախարարությունում անցկացվում են Ճգնաժամային կառավարման կենտրոնի և «911» ծառայության անձնակազմի վերապատրաստման դասընթացներ, որոնք վարում են շվեյցարացի փորձագետներ Բարբարա Ռոթենբերգերը և Պատրիկ Սմիթը: Այս մասին PanARMENIAN.Net ը տեղեկանում է ԱԻՆ լրատվական ծառայությունից: Դեռևս 2012 թ. նոյեմբերին «ԱԻՆ ճգնաժամային կառավարման կենտրոնի փորձաքննություն» աղետների ռիսկի նվազեցման նախագծի ղեկավար հանձնախմբի 2-րդ նիստի ընթացքում որոշվել էր կազմակերպել վերապատրաստման դասընթացներ: Ծրագրի նպատակն է ԱՌՆ բնագավառում ՀՀ կառավարության կարողությունների հզորացումը` Ճգնաժամային կառավարման կենտրոնի աշխատանքի արդյունավետության բարձրացման միջոցով: Ծրագրի փորձագետ Բարբարա Ռոթենբերգերը շուրջ 12 տարի աշխատում է աղետների ռիսկի նվազեցման ոլորտում և ունի տարբեր երկրներում նման աշխատանքի մեծ փորձ: Փորձագետն աջակցում է Հայաստանում Ճգնաժամային կառավարման կենտրոնի հետագա աշխատանքների բարելավման ու արդյունավետ կազմակերպման, դրա տեխնիկական զինվածության և ծրագրային լուծումների, Հայաստանում ճգնաժամային կառավարման մարզային կենտրոնների ցանց ստեղծելու գործում: Այս ընթացքում վերանայվել են ՃԿԿ-ի կառուցվածքը, անձնակազմը, աշխատանքային պարտականությունները, ինչպես նաև գնահատվել են կարիքները: Որպես վերջնական արդյունք` Ճգնաժամային կառավարման պետական ակադեմիայի, ՃԿԿ և շվեյցարացի մասնագետների հետ համատեղ մշակվել է ՃԿԿ և «911» ծառայության անձնակազմի վերապատրաստման ծրագիր: Մշակվել է 4 մոդուլ, որոնցից երկուսը վերաբերում են «911» ծառայությանը, մյուս երկուսը` ՃԿԿ-ին: Երկու մոդուլ նախատեսված է որոշում կայացնողների համար, իսկ մյուս երկուսը` շարքային անձնակազմի: Մոդուլները ծավալուն են ու մշակված նոր ընդունված անձնակազմի համար: «Դասընթացների մասնակիցները շատ պատրաստված էին և փորձառու: Մեր հիմանական խնդիրներն էին ՃԿՊԱ և ՃԿԿ մոտեցումն ու համաձայնեցված աշխատանքը: Կատարված աշխատանքը համարում եմ հիանալի: Այն արվեց լավագույն որակով», - ասաց Պատրիկ Սմիթը: Ներկայումս մշակվում են մոդուլներ արդեն իսկ աշխատանքային փորձ ունեցող աշխատակիցների համար` գիտելիքներն ու հմտությունները կատարելագործելու նպատակով։ Անցած շաբաթվա ընթացքում անցկացվել են լրամշակված ծրագրով փորձնական դասընթացներ, որոնց արդյունքներով կկազմվեն հետագա դասընթացների ծրագրերը: Այսպիսով` ավարտին է մոտենում ՃԿԿ-ի հզորացման ծրագրի առաջին փուլը: Ամփոփելով արդյունքները` նախանշվեցին երկրորդ փուլի անելիքները։ Այն կսկսվի հուլիսի վերջին և կշարունակվի մինչև 2014 թվականի ավարտը: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց Շենքի շուրջբոլորը ոստիկանությունը պատնեշներ է տեղադրել Ամենաընթերցվողը բաժնում | ՀԱՊԿ գլխավոր քարտուղարը հուսով է` ՀՀ-ն կհստակեցնի կառույցի հետ հարաբերությունների հեռանկարները «ՀՀ նկատմամբ բոլոր պարտավորությունները պահպանվում են ամբողջ ծավալով»,- ասել է նա Լևոն Երանոսյանը մեղավոր է ճանաչվել, բայց համաներվել է Մեղադրանքներից մեկի մասով քրեական դատավարությունը դադարեցնել վաղեմության ժամկետի հիմքով Երևանի մանկապարտեզներում տեսախցիկներ կդրվեն․ Մոտ 135 մլն դրամ կպահանջվի Նախատեսվում է մինչև 1700 տեսահսկման կետ ունենալ Բռնցքամարտիկ Չալոյանն օլիմպիական ուղեգիր է նվաճել Չալոյանը հանդես է գալիս գերծանր քաշային կարգում |