«The Wall Street Journal» թերթում հրապարակված հոդվածը Հայոց ցեղասպանության մասին հարուցել է ընթերցողների վրդովմունքը17 նոյեմբերի 2005 - 14:41 AMT PanARMENIAN.Net - Ամերիկյան «The Wall Street Journal» թերթը նոյեմբերի 12-ին հրապարակել է ՀՅ Դաշնակցության Վաշինգտոնի Հայ Դատի գրասենյակի նամակը, ինչպես նաեւ մի քանի այլ նամակներ` ի պատասխան հոկտեմբերի 27-ին Քարա Սքաննելի հրապարակած «Առաջին համաշխարհայինի պատմության շուրջ թուրք-հայկական պայքարը հասավ Միացյալ Նահանգների դատարան» հոդվածի: Նամակներում ներկայացված են թուրքական կազմակերպությունների ջանքերը` ուղղված Մասաչուսեթսի նահանգի կրթական ծրագրերում Հայոց ցեղասպանության ուրացումն ընդգրկելու համար Միացյալ Նահանգների դատական համակարգի օգտագործմանը: Դատական հայցում, որ ներկայացրել են երկու ուսուցիչներ, մի ուսանող եւ մի ծնող, պահանջվում է Մասաչուսեթս նահանգում ցեղասպանության դասավանդման ուղեցույցում ընդգրկել ԱՄՆ-ում Թուրքիայի դեսպանության կայքէջը եւ այլ ոչ ակադեմիական աղբյուրներ, որոնցում ժխտվում է Հայոց ցեղասպանության իրողությունը: Հայցվորները պնդում են, թե կրթական ծրագրում այդ աղբյուրների բացակայությունը խախտում է ազատ խոսքի իրենց իրավունքը: «The Wall Street Journal»-ին ուղղված նամակում Ամերիկայի Հայ Դատի հանձնախմբի ատենապետ Քեն Խաչիկյանը գրել է. «Այս դատավարությունն առնչվում է ոչ թե ազատ խոսքին, այլ ցեղասպանությունը պարտակելու` թուրքական պետության կողմից հովանավորվող զանգվածային արշավին: Չբավարարվելով երկրի ներսում բռնաճնշումներով` Թուրքիայի արբանյակներն աշխատում են կանխել Հայոց ցեղասպանության դասավանդումը այստեղ` ԱՄՆ-ում»: Միչիգանի համալսարանի պրոֆեսոր Ֆաթմա Մյուգե Գյոչեքը մասնավորապես գրել է, որ այդ դատավարությունը ծայրաստիճան վիրավորական է համարում: Նշենք, որ Սքաննելի հոդվածը հարուցել է «The Wall Street Journal»-ի բազմաթիվ այլ ընթերցողների վրդովմունքը եւս` ինչպես հայ, այնպես էլ այլազգի, քանի որ ցեղասպանության փաստը դրանում ներկայացված է որպես հայերի եւ թուրքերի միջեւ շարունակվող բանավեճի առարկա` առանց հաշվի առնելու այդ հարցով բազմաթիվ գիտական հետազոտությունները: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Առաջարկ․ ՀՀ–ում ամուսնության տարիքային նվազագույն շեմը սահմանել 18 տարեկանը՝ առանց բացառությունների Առաջարկը ներկայացրել է Ռուստամ Բաքոյանը Թյուրքագետ․ Ադրբեջանն ու Թուրքիան ունեն անվերջանալի պահանջներ, որոնք անդադար առաջադրվելու են մեզ «Պայմանագիր չի լինելու, փոխարենն անընդհատ առաջանալու են նոր պահանջներ՝ ամեն հաջորդն ավելի ծայրահեղ»,–գրել է նա ՆԳՆ–ն` պայթյունի մասին․ Արտահոսք է եղել 3 հեղուկ գազի, 1 դիզելի և 1 բենզինի ցիստեռնից Հեղուկ գազի ցիստեռնները եղել են յուրաքանչյուրը 37 տոննա ծավալով ՏԿԵՆ. Գետերի վարարումներից առաջ «ՁորաՀԷԿ»-ի ամբարտակն ամբողջական լցված է եղել, ջուր բաց չի թողնվել «ՁորաՀԷԿ»-ի լիցենզիայի թույլտվությունն ավարտվում է 2025 թվականի հունվարի 1-ին |