Ֆրանսիայում մեկնարկել է Լեռնային Ղարաբաղի զարգացման համար միջոցների հավաքագրման ֆոնոթոնը17 նոյեմբերի 2005 - 17:27 AMT PanARMENIAN.Net - Նոյեմբերի 17-ին «Հայաստան» համահայկական հիմնադրամի հովանավորությամբ Ֆրանսիայում մեկնարկել է Լեռնային Ղարաբաղի զարգացման համար միջոցների հավաքագրման ֆոնոթոնը: Ֆոնոթոնի ընթացքում նվիրաբերած գումարները կուղղվեն պատերազմական շրջանում առավելապես տուժած ԼՂՀ Մարտակերտի շրջանի զարգացմանը: «Հայաստան» համահայկական հիմնադրամի գործադիր տնօրեն Նաիրա Մելքումյանը օրերս Ստեփանակերտում նշել է, որ հիմնադրամը «Արցախի վերածնունդը» նոր ծրագիր է սկսում Լեռնային Ղարաբաղում: Ծրագիրը կիրականացվի 3 փուլով: Առաջին փուլում կվերականգնվի Մարտակերտի շրջանը, որը շատ հեռանկարային է գյուղատնտեսության եւ արդյունաբերության զարգացման տեսակետից: Մարտակերտի շրջանի զարգացումը ենթադրում է տնտեսական, մարդասիրական եւ դեմոգրաֆիկ բնույթի մի շարք հարցերի լուծում: Մասնավորապես, կվերականգնվեն տեւական ղարաբաղա-ադրբեջանական հակամարտության ժամանակ տուժած ենթակառուցվածքները, կենսական նշանակության օբյեկտները, նախադրյալներ կստեղծվեն շրջանի սոցիալ-տնտեսական զարգացման համար: Հատուկ ուշադրություն կդարձվի գյուղատնտեսության զարգացմանը` այս ոլորտի ծրագրի վրա աշխատել են մի խումբ գիտնականներ Հայաստանից, Ֆրանսիայից, ԱՄՆ-ից: Երկրորդ փուլում կվերականգնվի Հադրութի շրջանը, իսկ երրորդ փուլում նախատեսվում է ավարտել ավելի քան 160-կիլոմետրանոց «Հյուսի-Հարավ» մայրուղու շինարարությունը, որը ռազմավարական նշանակություն ունի Լեռնային Ղարաբաղի համար: ԼՂՀ նախագահ Արկադի Ղուկասյանը, որն այս օրերին գտնվում է Ֆրանսիայում, ընդգծել է Ֆրանսիայում կայանալիք ֆոնոթոնի եւ ԱՄՆ-ում կայանալիք հեռուստամարաթոնի տնտեսական, սոցիալական, հոգեբանական, կրթական եւ մշակութային նշանակությունը Արցախի ժողովրդի համար, հաղորդում է «Ռեգնում» գործակալությունը: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Փաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցում Օդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ |