Հայաստանը եւ Ալբանիան համաձայնագիր կստորագրեն միջխորհրդարանական համագործակցության մասին25 նոյեմբերի 2005 - 16:16 AMT PanARMENIAN.Net - Ալբանիայի մայրաքաղաք Տիրանայում Հայաստանի ԱԺ նախագահ Արթուր Բաղդասարյանի գլխավորած պատվիրակությանն ընդունեցին Ալբանիայի նախագահը, խորհրդարանի նախագահը, վարչապետը, հաղորդում է ՀՀ ԱԺ մամլո ծառայությունը: Ալբանիայի խորհրդարանի նախագահ Ժոզեֆինա Տոպալին Ա.Բաղդասարյանին իրազեկեց 2005-ի հուլիսին տեղի ունեցած խորհրդարանական ընտրությունների մասին, որոնց արդյունքում ձեւավորված նոր խորհրդարանն ընտրել է երկրի նախագահին: Նա կարեւորեց այն փաստը, որ Ալբանիան ՍԾՏՀ ԽՎ-ում նախագահությունը հանձնում է Հայաստանին եւ վստահություն հայտնեց, որ Հայաստանը իր նախագահության ընթացքում լուրջ ներդրում կունենա տարածաշրջանին հուզող հարցերի լուծման մեջ: ՀՀ ԱԺ նախագահ Արթուր Բաղդասարյանը կարեւորեց հայ-ալբանական խորհրդարանական կապերի հաստատումը, տարածաշրջանային համագործակցությունը եւ միջազգային կառույցներում փոխգործակցությունը, այցից հետո երկու խորհրդարաններում կստեղծվեն պատգամավորական բարեկամության խմբեր: Պայմանավորվածություն ձեռքբերվեց միջխորհրդարանական համագործակցության համաձայնագրի ստորագրման մասին: Փոխադարձաբար արժեւորվեցին պաշտոնական եւ աշխատանքային հանդիպումները, տեղեկատվության ու օրենսդրական փորձի փոխանակումը: Ալբանիայի նախագահ Ալֆրեդ Մոիսիուի հետ հանդիպման առանցքում քաղաքական հարաբերությունների հաստատումն ու զարգացումն էր: Նշվեց, որ գլոբալացվող աշխարհում համագործակցությունը տարբեր ոլորտներում ստեղծում է զարգացման հիմքեր: Կողմերը կարեւորեցին քաղաքական կամքի դրսեւորումը, որի առկայությամբ առավել դյուրին են զարգանում առեւտրատնտեսական հարաբերությունները: Ալբանիայի նախագահը Հայաստանի Ազգային ժողովի նախագահի այցը որակեց իբրեւ լավ խթան հարաբերությունների զարգացման համար:Ալբանիայի վարչապետ Սալի Բերիշայի հետ հանդիպման ընթացքում քննարկվեցին հայ-ալբանական առեւտրատնտեսական հարաբերություններին առնչվող խնդիրներ: Ս.Բերիշան, որ իր խոսքերով հետաքրքրված է տարածաշրջանի ու Հայաստանի հետ հարաբերությունների զարգացմամբ, հավաստիացրեց, որ աշխարհագրական դիրքը եւ ալբանական օրենսդրությունը շահավետ փոխհարաբերությունների համար բավարար հիմքեր են տալիս, նշվեցին զբոսաշրջության, էներգետիկայի, բնական հարստությունների շահագործման, փոխադարձ ներդրումների հնարավորությունները, քննարկվեցին փոխադարձ այցելությունների եւ բիզնես ֆորումի կազմակերպման հնարավորությունները, որի ընթացքում երկու երկրների գործարարները կծանոթանան միմյանց օրենսդրությանն ու տնտեսական հնարավորություններին: Ուշագրավ Փաշինյանը շնորհակալություն է հայտնել Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Ամենաընթերցվողը բաժնում | Դեբեդ, Աղստև գետերի ավազաններում և Սևանի հարավային ափում ջրի ելքերի կմեծանան Սևանում տեղատարափ անձրև է Բայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համա Ֆրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութ Փաշինյանն աղետի գոտի է այցելել Նա այցելել է Վանաձոր-Ալավերդի միջպետական ճանապարհի Մարց գյուղի հատված |