Վարչապետ. Կառավարությունն անում է ամեն բան, որ գազը հնարավորինս էժան լինի20 մայիսի 2013 - 15:48 AMT PanARMENIAN.Net - ԱԺ-ում վարչապետ Տիգրան Սարգսյանին գազի գնի բարձրացման վերաբերյալ հարց ուղղեց պատգամավոր Խաչատուր Քոքոբելյանը: Վարչապետը նկատեց, որ երբեմն թվում է՝ այնքան հեշտ է մատակակարող երկրների հետ պայմանավորվել, որ գները չբարձրանան, իսկ իրականում աշխարհի որևէ երկրի համար դա հեշտ լուծելի հարց չէ, այն բազմաթիվ հարցեր է պարունակում: «Այսօր Կառավարությունն անում է ամեն բան, որ գազը հնարավորինս էժան լինի՝ սկսած մեր հարաբերություններից Իրանի Իսլամական Հանրապետթյան հետ, վերջացրած մեր ռազմական դաշնակցի հետ: Մենք ԱԺ նախագահի հետ պայմանավորվել ենք, որ այս հարցի վերաբերյալ լսումներ կլինեն, կքննարկենք հարցը»,- ասաց Տիգրան Սարգսյանը: Կառավարության ղեկավարը նշեց, որ այսօր քաղաքական ամենաբարձր մակարդակով բանակցություններ են ընթանում՝ գտնելու այնպիսի լուծումներ, որոնք թույլ կտան սուբսիդավորել կամ նվազեցնել գազի գինը: «Մենք մտադիր ենք սահմանին ֆիքսված գինը 30 տոկոսով սուբսիդավորել: Իսկ երկրում տիրող մթնոլորտի փոփոխության առումով, մենք գնալու ենք համագործակցության ճանապարհով»,- ասաց նա: Կառավարության ղեկավարն ընդգծեց, որ իրենք ձեռքները ծալած չեն նստել, որի արդյունքում երեք տարի շարունակ գները չեն բարձրացել: «Գները չեն որոշվում կամայականորեն, դրանց հստակ ռազմավարություն գոյություն ունի: Ես համոզված եմ, որ ՌԴ-ն Հայաստանին գազ մատակարարելու է ամենաէժան գներով»,- վստահեցեց նա: Անդրադառնալով Կառավարության ներկայացրած ծրագրին, նա նշեց, որ այն առարկայական է, 18 ճյուղերով ծրագրեր են մշակվել, հստակ ժամանակացույց է նշված, մասնավոր հատվածը վերահսկելու է Կառավարության աշխատանքը, իսկ այդպիսի պրակտիկա երբևէ չի եղել: «Առաջին անգամ է, որ ներկայացնում ենք առարկայական ծրագրերով մոտեցումներ: Երեք ֆունդամենտալ խնդիր ունենք այսօր՝ գործազրկություն, արտագաղթ և աղքատություն, սրանք են այն թիրախները, որոնք մեր ծարագիրը պետք է լուծի»,- եզրափակեց Տիգրան Սարգսյանը: Ավելացնենք, որ գազի գնի վերաբերյալ լսումներ ԱԺ-ում կլինեն այս հինգշաբթի: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Բագրատ սրբազան․ Բաքվի հետ բանակցությունները պետք է լինեն երաշխավորների առկայությամբ, լավագույն հարթակը ՄԽ–ն է «Մենք իրական բանակցությունների կողմնակից ենք, ոչ թե պարտադրանքների, ուժի սպառնալիքի»,–ասել է նա Դեբեդ, Աղստև գետերի ավազաններում և Սևանի հարավային ափում ջրի ելքերի կմեծանան Սևանում տեղատարափ անձրև է Բայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համա Ֆրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութ |