Կաթողիկոսը շնորհակալություն է հայտնել ՌԴ իշխանություններին՝ հայերի հանդեպ հոգատար վերաբերմունքի համար27 մայիսի 2013 - 17:01 AMT PanARMENIAN.Net - Մայիսի 26-ին Մայր Աթոռ Սուրբ Էջմիածնում Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսն ընդունեց Ռուսաստանի Դաշնության Կուրսկի մարզի պատվիրակությանը Կուրսկի մարզի նահանգապետի տեղակալ, ներքին քաղաքականության կոմիտեի նախագահ Լյուդմիլա Գրեբենկովայի գլխավորությամբ: Հանդիպման սկզբում պատվիրակության անդամ, Ռուսաստանի հայերի միության Կուրսկի տարածքային կազմակերպության նախագահ Ալեքսան Կոշտոյանը Վեհափառ Հայրապետին ներկայացրեց պատվիրակության անդամներին և Հայաստան այցելության նպատակը: Այնուհետև հյուրերի այցը համայն հայության հոգևոր կենտրոն ողջունեց Նորին Սրբությունը: Վեհափառ Հայրապետը պատվիրակության անդամներին համառոտ ներկայացրեց Հայ եկեղեցու պատմությունը, Խորհրդային միության տարիներին եկեղեցու կրած դժվարությունները և ներկա վիճակը՝ ընդգծելով եկեղեցու կարևոր դերը հայ ժողովրդի հոգևոր, ազգային և մշակութային կյանքում: Խոսելով հայ և ռուս ժողովուրդների բարեկամական կապերի ձևավորման գործում Հայ եկեղեցու դերակատարության մասին, Ամենայն Հայոց Հայրապետը մասնավորապես կարևորեց երկու ժողովուրդների բազմադարյա ջերմ հարաբերությունների հետագա սերտացումն ու զարգացումը մշակույթի, տնտեսության և այլ ոլորտներում: Անդրադառնալով Ռուսաստանի հայկական համայնքին՝ Վեհափառ Հայրապետն իր մասնավոր շնորհակալությունը հայտնեց ՌԴ իշխանություններին՝ հայ ժողովրդի զավակների նկատմամբ դրսևորվող հոգատար վերաբերմունքի համար: Հանդիպմանն անդրադարձ կատարվեց նաև Հայ Առաքելական և Ռուս Ուղղափառ եկեղեցիների սերտ կապերին, եկեղեցի-պետություն հարաբերություններին, ինչպես նաև երիտասարդ սերնդի հոգևոր դաստիարակության անհրաժեշտությանը: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց Շենքի շուրջբոլորը ոստիկանությունը պատնեշներ է տեղադրել Ամենաընթերցվողը բաժնում | Վահան Քերոբյանի մեղադրանքը փոփոխվել է Վարույթ իրականացնող մարմինն այլևս չի կարծում, որ պետությանը պատճառվել է վնաս Մակրոնը հայտարարել է խորհրդարանը լուծարելու և խորհրդարանական արտահերթ ընտրություններ անցկացնելու մասին Եվրախորհրդարանի ընտրություններում շատ երկրներում հաղթում են ծայրահեղ աջակողմյան կուսակցությունները Առողջապահական սարքավորումների լիզինգ՝ 1% տոկոսադրույքով Հուշագիր է ստորագրվել Ալիևը մեկնում է Թուրքիա․ Էրդողանի հետ քննարկելու են նաև ՀՀ–Ադրբեջան խաղաղության պայմանագրի կնքումը Կողմերը քննարկելու են նաև համագործակցությունը նավթագազային ոլորտում |