Հեռուստամարաթոնի այս տարվա ծրագրում ընդգրկվել է Վարդենիս-Մարտակերտ մայրուղու ասֆալտապատումը30 մայիսի 2013 - 16:41 AMT PanARMENIAN.Net - Արցախի Հանրապետության նախագահ Բակո Սահակյանը մայիսի 30-ին Հայաստանի Հանրապետության նախագահ Սերժ Սարգսյանի հետ մասնակցել է«Հայաստան» համահայկական հիմնադրամի հոգաբարձուների խորհրդի նիստին: Նախագահ Սահակյանի խոսքով` հանդիպումների այս ձևաչափը վաղուց արդեն դարձել է համահայկական կարևորագույն ծրագրերի քննարկման և առաջնահերթությունների նախանշման հարթակ: Բակո Սահկյանը նշել է, որ այսօր մեր առջև ծառացած են որակապես նոր խնդիրներ, որոնց պետք է լուծում տրվի՝ իրականացնելով ռազմավարական նոր ծրագրեր: Նման նախագծերի շարքում երկրի ղեկավարը կարևորել է Վարդենիս-Մարտակերտ ավտոմայրուղին, որը հյուսիսային ուղղությամբ Արցախը Հայաստանին կապող հիմնական օղակն է, և որի դերակատարությունը դժվար է գերագնահատել հայկական երկու հանրապետությունների կյանքում: Ըստ Նախագահ Սահակյանի` մայրուղու շահագործումը միանգամից կլուծի սոցիալ-տնտեսական և ռազմավարական բազմաթիվ խնդիրներ, մասնավորապես, կնպաստի ԼՂՀ Մարտակերտի և Շահումյանի շրջանների առաջընթացի ապահովմանը, ժողովրդագրական վիճակի բարելավմանը և լուրջ խթան կհանդիսանա ամբողջ Արցախի զարգացման ու զորացման համար: Հաշվի առնելով այս ամենը` Արցախի Հանրապետության նախագահն առաջարկել է ծրագրում ընդգրկել Վարդենիս-Մարտակերտ ավտոմայրուղու ասֆալտապատման ու բարեկարգման աշխատանքները: Առաջարկն ընդունվել է և մտցվել 2013թ. հեռուստամարաթոնի ծրագրի մեջ: Նույն օրը հայկական երկու հանրապետությունների առաջնորդները մասնակցել են Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի երրորդ նիստին, հայտնում է Արցախի Հանրապետության նախագահի աշխատակազմի տեղեկատվության գլխավոր վարչությունը: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց Շենքի շուրջբոլորը ոստիկանությունը պատնեշներ է տեղադրել Ամենաընթերցվողը բաժնում | Երևանում կկայանա ՀՀ-ԱՄՆ ռազմավարական երկխոսության ամփոփիչ նիստը Նիստի ավարտին կհրապարակվի ամփոփիչ հայտարարություն Իրանի նախագահի ընտրություններին 6 թեկնածու կմասնակցի Ցուցակը հաստատել է Իրանի Սահմանադրության պահապանների խորհուրդը Ալեն Սիմոնյան․ ՌԴ իշխանությունը «գցել» է Հայաստանին և հայ ժողովրդին Նա նշել է, որ թեթև նախանձով էր նայում, թե ինչպես ԱՄՆ-ի նավատորմը մոտեցավ Իսրայելի սահմաններին և սկսեց խոցել հրթիռները Մարզերում գործող բիզնեսի և անհատների համար Ամերիաբանկը մշակել է աշխատավարձային հատուկ առաջարկ Մարզային ընկերությունները փաթեթի շրջանակում կարող են անվճար բացել ցանկացած արժույթի բանկային հաշիվներ |