Քահանա. Ջուրը Վարդավառի տոնի հետ գրեթե կապ չունի 5 հուլիսի 2013 - 12:53 AMT PanARMENIAN.Net - Վարդավառը եկեղեցական տոն է, որը խորհրդանշում է Քրիստոսի պայծառակերպությունը: Այս տարի տոնը կնշվի հուլիսի 7-ին` կիրակի օրը: Այսօր մամուլի ասուլիսի ժամանակ Տեր Թովմա քահանա Անդրեասյանը նշեց, որ տոնն ունի Քրիստոսի պայծառակերպության կամ այլակերպելու մասին խորհուրդը: «Այդ տոնի մեջ մենք տեսնում ենք նաև ապագայի խորհուրդը, թե մարդն ինչպես կներկայանա Աստծուն»,- ասաց քահանան: Նա նշեց, որ ջուրը տոնի հետ գրեթե կապ չունի: «Չմոռանալով ջրհեղեղի մասին և թե ինչ է տեղի ունեցել` մարդն ամեն տարի ամռանն իրեն և ուրիշներին ջրելով, վարդեր թափելով, աղավնիներ թռցնելով ցույց է տալիս, որ Աստված իրեն չի մոռանում և ինքն աշխատելու է մեղքեր չգործել»,- ներկայացրեց Տեր Թովման: Ըստ նրա` մեր օրերում մարդիկ երբեմն մյուսներին ջրելով չափն անցնում են. «Ժողովուրդը վայրի ձևով է մյուսներին ջրում: Եղել են դեպքեր, երբ ջրելու հետևանքով դժբախտ պատահարներ են տեղի ունեցել»: Նա շեշտեց, որ ջուր ցողելով իրականում մարդիկ պետք է ցույց տան, որ ընդունում են Աստծուն և պատրաստ են մեղսավոր աշխարհում մաքուր ապրել: Նշենք, որ Վարդավառը տաղավար տոն է, այդ օրը եկեղեցիներում Սուրբ պատարագ է մատուցվում: Հոգևորականները դուրս են գալիս, շրջում մարդկաց մեջ և նրանց վրա վարդաջուր ցողում: Վարդավառի տոնը սովորաբար նշվում է Նավասարդ ամսին: Այն եկել է հեթանոս ժամանակներից: Քահանան նշեց, որ Գրիգոր Լուսավորիչը տոնը քրիստոնեացրեց այն պատճառով, որ ժողովուրդն այն շատ էր սիրում: Քրիստոսի պայծառակերպության տոնը` Վարդավառը նշվում է Սուրբ Զատկից հետո` 14-րդ կիրակի օրը: Վարդավառը շարունակությունն է Հարության տոների` Հարություն, Համբարձում, Հոգեգալուստ և Վարդավառ: Վարդավառը խոսում է, որ Քրիստոս է թագավորում երկիրը և ամբողջ մարդկությունն ընդունում է նրան: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Պուտինը հեռախոսազրույց է ունեցել Փաշինյանի հետ և շնորհավորական ուղերձ հղել․ Կողմ ենք, որ հարաբերությունները շարունակեն զարգանալ ՌԴ նախագահը Փաշինյանին շնորհավորել է ծննդյան օրվա առիթով Բագրատ սրբազանի գլխավորած շարժման կողմնակիցներն ավտոերթով ուղևորվել են Գյումրի «Գնում ենք Գյումրի, երեխաներին այցելենք, հետո էլ հանրահավաք ունենք»,–ասել է նա |