ԱԳՆ մամուլի խոսնակ. Եգիպտոսում գտնվող ՀՀ քաղաքացիների մասնակցությամբ միջադեպեր չեն գրանցվել 5 հուլիսի 2013 - 13:56 AMT PanARMENIAN.Net - Եգիպտոսում գտնվող ՀՀ քաղաքացիների հետ ամեն բան կարգին է, որևէ միջադեպ չի գրանցվել: Այս մասին PanARMENIAN.Net ի թղթակցին հայտնեց ԱԳՆ մամուլի խոսնակ Տիգրան Բալայանը: «Եգիպտոսից վատ լուրեր չկան»,- ասաց նա: Այս օրերին Եգիպտոսում են գտնվում 400-ից ավելի ՀՀ քաղաքացիներ: Ավելի վաղ Տիգրան Բալայանը մեզ հետ զրույցում հայտնել էր, որ բողոքի ցույցերի և անկարգությունների հետևանքով Եգիպտոսում գտնվող ՀՀ քաղաքացիներից ոչ մեկը չի տուժել: Նշենք, որ հուլիսի 3-ին Եգիպտոսի բանակի հրամանատար գեներալ Աբդուլ Ֆաթահ ալ-Սիսին եգիպտական հեռուստատեսության ուղիղ եթերում հայտարարել էր, որ նախագահ Մուհամեդ Մուրսին զրկվում է իշխանությունից և Սահմանադրության գործունեությունը առկախվում է: Երկրի ղեկավարումը ժամանակավորապես ստանձնել է ՍԴ նախագահը: Եգիպտոսում ներքաղաքական իրավիճակը սրվել է հունիսի 30-ին: Բազմահազարանոց բողոքի ցույցեր էին ընդդեմ նախագահ Մուրսիի վարչակարգի վարած քաղաքականության: Ցույցերն ուղեկցվում են անկարգություններով ու զոհերով: Այժմ էլ Մուրսիի կողմանկիցների և ընդդիմադիրների միջև բախումները շարունակվում են: Եգիպտոսի զինված ուժերի հրամանատարությունը խոստացել է ձեռնպահ մնալ քաղաքացիների, որևէ կուսակցության կամ քաղաքական կազմակերպության հետապնդումներից: Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Փաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցում Օդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ |