Տեղաշարժման մատչելիության մոնիթորինգ-ակցիա Օղակաձև զբոսայգում27 հուլիսի 2013 - 16:54 AMT PanARMENIAN.Net - Այսօր Երևանի օղակաձև զբոսայգում անցկացվել է տեղաշարժման խնդիրներ ունեցող մարդկանց համար այգու մատչելիության մոնիթորինգ-ակցիա: Ակցիան իրականացվում էր «Հայկական ճամբար» ՀԿ-ի աջակցությամբ կողմից «Մատչելի քաղաք» ծրագրի շրջանակում, որի նպատակն է Երևան քաղաքի մատչելիության խնդրով մտահոգ քաղաքացիների մասնակցությամբ քաղաքային իշխանությունների ուշադրությունը հրավիրել Օղակաձև այգին տեղաշարժման դժվարություն ունեցող մարդկանց համար մատչելի դարձնելու խնդրին: Մոնիթորինգը գործնական բնույթ ուներ` սկսելով Զորավար Անդրանիկի հուշարձանի մոտակայքից՝ մասնակիցները շրջեցին այգու ողջ տարածքում և մատչելիությունը սահմանափակող հատվածներում թողեցին այդ մասին տեղեկացնող պաստառներ: Ակցիային մասնակցում էին հաշմանդամություն ունեցող, անվասայլակից օգտվող անձիք, հաշմանդամ երեխաների ծնողներ, հեծանվորդներ, մանկասայլակով ծնողներ և պարզապես Երևան քաղաքի մատչելիության խնդրով մտահոգ ակտիվ քաղաքացիներ: Կազմակերպիչների խոսքերով՝ մոնիթորինգի համար ընտրվել է հատկապես Օղակաձև զբոսայգին, որովհետև այն մայրաքաղաքի ամենամեծ ու բազմաշերտ այգին է, ինչը հնարավորություն է տալիս միանգամից բարձրացնելու տղաշարժման խնդիրներ ունեցող մարդկանց ամեն օր անհանգստացնող հարցերի հիմնական մասը: Մասնակիցներից յուրաքանչյուրը արդեն ակցիայի վերջում ընդհանուր գնահատական տվեց այգու մատչելության վերաբերյալ, սակայն մոնիթորինգի ամբողջական ամփոփման տվյալների և դրանց համաձայն նախատեսվող գործողությունների մասին կազմակերպիչները կտեղեկացնեն ավելի ուշ: Իսկ մինչ այդ մատչելիության խնդիրների մասին անցորդներին կհիշեցնեն մասնակիցների կողմից այգում ամրացված պաստառները: «Հատկապես սայլակով տեղաշարժվող մարդկանց համար Օղակաձև զբոսայգում շրջելը նման է էքստրեմալ սպորտով զբաղվելու»,- ասել է անվասայլակով տեղաշարժվող Արման Մուշեղյանը և ավելացրեկ` Օղակաձև զբոսայգին ներկայացնում է ողջ քաղաքի պատկերը. այստեղ էլ ինչպես Երևանում, եթե ինչ-որ բան արված է, ապա միայն կենտրոնական հատվածներում, իսկ ծայրամասերում բացիթողի վիճակ է: Առաջիկայում կազմակերպիչները կամփոփեն մոնիթորինգի արդյունքներն ու կմշակեն արձանագրված խնդիրների լուծմանն ուղղված գործողությունների պլան: Հաշմանդամություն ունեցող մարդկանց հետ աշխատող կազմակերպությունը շեշտում է, որ մատչելիության սահմանափակումը միայն հաշմանդամություն ունեցողներին առնչվող հարց չէ: Նույն խնդրին են բախվում նաև հեծանվորդները, մանկասայլակով կամ փոքրիկ հեծանվներով իրենց փոքրիկներին զբոսանքի հանած ծնողներն ու այլ սոցիալական խմբեր, մարդիկ, որոնց փոխարեն ցանկացած պահի կարող ենք հայտնվել մենք և մեր հարազատները: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց Շենքի շուրջբոլորը ոստիկանությունը պատնեշներ է տեղադրել Ամենաընթերցվողը բաժնում | Բագրատ սրբազանի գլխավորած երթը հեռացել է ՔԿ-ի մոտից․ «Մեր ասելիքն ասել ենք՝ հետամուտ ենք լինելու, որ պահանջը կատարվի» ՔԿ–ին կոչ են արել քրեական վարույթներ նախաձեռնել բռնի ուժ կիրառած ոստիկանների նկատմամբ «Խաղաղության խաչմերուկի» շրջանակում Չինաստանից ՀՀ է հասել առաջին բեռնատարը Բեռնափոխադրումը տևել է մոտ 20 օր Լոռիում և Տավուշում տուժածների համար նվիրատվություններ ընդունելու համար Ֆիննախում հաշիվ կա Նշվում է, որ բազմաթիվ մարդիկ ցանկություն են հայտնել աջակցելու ՀԱՊԿ գլխավոր քարտուղարը հուսով է` ՀՀ-ն կհստակեցնի կառույցի հետ հարաբերությունների հեռանկարները «ՀՀ նկատմամբ բոլոր պարտավորությունները պահպանվում են ամբողջ ծավալով»,- ասել է նա |