ԱԱԽ քարտուղար. ՄՄ մտնելու որոշումը եվրոպացի գործընկերներից գաղտնի չի պահվել 6 սեպտեմբերի 2013 - 15:56 AMT PanARMENIAN.Net - Ազգային անվտանգության խորհրդի քարտուղար Արթուր Բաղդասարյանի մամուլի ասուլիսի հիմնական թեման, ինչպես և սպասվում էր, Մաքսային միությանն անդամակցելու Հայաստանի մտադրությունն էր: ԱԱԽ քարտուղարի խոսքով՝ մեր երկրի այդ որոշումը գաղտնի չի պահվել ու եվրոպացի գործընկերները «գուցե և ոչ դետալային», բայց այդ մասին տեղյալ են եղել: Դեպի Եվրոպա, ինչպես նաև Մաքսային միության անդամ-երկրներ, Հայաստանից արտահանվող ապրանքատեսակների մասով, Բաղդասարյանի ներկայացմամբ, կշեռքի նժարը թեքվում է դեպի ՄՄ: Այս կոնտեքստում ԱԱԽ քարտուղարը խոսել է նաև Ռուսաստանում ապրող հայերի քանակի (մոտ 2.5 մլն) ու ամենակարևորը՝ մեր երկրում անվտանգության հարցում ՌԴ դերի մասին, գրում է tert.am. «Մեր երկրի շահերից է բխում հզորացնել անվտանգությունը, որտեղ Ռուսաստանը մեծ պատասխանատվություն է վերցրել իր վրա, պետք է դիվերսիֆիկացնել տնտեսությունը, իսկ ստորագրված այդ փաստաթղթում Մոսկվան ստանձնում է այդ պարտավորությունը. նոր ձեռնարկություններ ու աշխատատեղեր կլինեն, ինչին շատ երկար չենք սպասի, կլինեն կոնկրետ խոշոր ծրագրեր, որոնց շուրջ կան պայմանավորվածություններ»։ Այնուամենայնիվ, Հայաստանը պետք է փորձի շարունակել քաղաքական գործակցությունը Եվրամիության հետ, այսինքն՝ «կյանքի կոչել ասոցացումը», ու ՀՀ-ն պատրաստ է արդեն նոյեմբերին նախաստորագրել ԵՄ Ասոցացման համաձայնագիրը: Ի դեպ, նա նկատել է, որ մուտքը Մաքսային միություն չի խանգարի ԵՄ-Հայաստան քաղաքական ասոցացմանը: Բաղդասարյանը նաև տեղեկացրել է, որ Իրան-Հայաստան երկաթուղու շինարարության հետ կապված բանակցություններն այժմ շարունակվում են: «Իրանական կողմն արդեն պատրաստակամություն է հայտնել ֆինանսավորելու երկաթուղու իր հատվածը»,- ասել է նա՝ հավելելով, որ ներդրողների ներգրավման ուղղությամբ աշխատանքներ են իրականացվում՝ մինչև Իրանի հետ սահմանի հատվածի ֆինանսավորումն ապահովելու համար, փոխանցում է «Այսօր»-ը: Նա հայտնել է, որ այդ առումով հետաքրքրված են ռուսական, իրանական և չինական ընկերությունները: «Իրանական կողմը պատրաստակամություն է հայտնել մասամբ ֆինանսավորելու նաև Հայաստանի տարածքով անցնող երկաթգիծը»,- ասել է նա: Մաքսային միություն Մաքսային միությունն իր աշխատանքը սկսել է 2010 թվականին: Սկզբում միությանն անդամկցում էին Ռուսաստանը, Բելառուսն ու Ղազախստանը: Հետագայում միությանն անդամակցելու մտադրության մասին հայտարարեցին նաև Ղրղզստանն ու Տաջիկստանը: Ուշագրավ Վարույթ իրականացնող մարմինն այլևս չի կարծում, որ պետությանը պատճառվել է վնաս Փաշինյանը շնորհակալություն է հայտնել Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ամենաընթերցվողը բաժնում | «Մի դրամի ուժը» 4 տարեկան է․ 173 մլն դրամ և 30-ից ավելի շահառու հիմնադրամներ Նախաձեռնությունն ավելի քան 40 ծրագիր է ֆինանսավորել Իրանի նախագահի ընտրություններին 6 թեկնածու կմասնակցի Ցուցակը հաստատել է Իրանի Սահմանադրության պահապանների խորհուրդը Մարզերում գործող բիզնեսի և անհատների համար Ամերիաբանկը մշակել է աշխատավարձային հատուկ առաջարկ Մարզային ընկերությունները փաթեթի շրջանակում կարող են անվճար բացել ցանկացած արժույթի բանկային հաշիվներ ԱԺ խորհուրդը մերժել է ընդդիմության միջնորդությունը Կոնջորյանն ասել է, որ իրենց խմբակցությունը հունիսի 17-ին էլ չի մասնակցելու արտահերթ նիստին |