  Աղթամարում սեպտեմբերի 8-ին չորրորդ անգամ պատարագ է մատուցվել 9 սեպտեմբերի 2013 - 12:31 AMT PanARMENIAN.Net - Սեպտեմբերի 8-ին Վանա լճի Աղթամար կղզում գտնվող Սբ Խաչ եկեղեցում ՀԱԵ Կոստանդնուպոլսի պատրիարքի տեղապահ Արամ Աթեշյանը չորրորդ անգամ պատարագ մատուցեց: Եկեղեցում առաջին անգամ մկրտություն կատարվեց՝ մկրտվեցին հայկական ծագում ունեցող Թուրքիայի քաղաքացիներ, ինչպես նաև մի բժիշկ Հայաստանից: Պատարագին ներկա էին բազմաթիվ ուխտավորներ Սփյուռքից, Ստամբուլի հայ համայնքի ներկայացուցիչներ, զբոսաշրջիկներ: Աղթամարի Սբ Խաչ եկեղեցին վերանորոգվել է 2010 թվականին: 2010թ. սեպտեմբերի 19-ին Խաչվերաց տոնի օրը մատուցվել է վերջին 95 տարում առաջին պատարագը: Հոկտեմբերի լույս 1-ի գիշերը եկեղեցու վրա խաչ է տեղադրվել: Մինչ այդ թուրքական իշխանությունները հրաժարվում էին տեղադրել այն, ինչը ողջ աշխարհի հայերի զանգվածային բողոքի պատճառ դարձավ: Այժմ Աղթամարը գործում է որպես թանգարան: Աղթամարի Սուրբ Խաչ եկեղեցին հայ ճարտարապետության կոթողներից է, հնում՝ Հայաստանի հոգևոր խոշոր կենտրոն՝ Աղթամարի վանական համալիրի բաղկացուցիչ մասն է։ Պատկանում է քառակուսի հատակագծով, զույգ ավանդատներով, գմբեթավորված եկեղեցիների տիպին։ Կառուցվել է Վասպուրականի իշխան Գագիկ Արծրունու պատվերով` ճարտարապետ, քանդակագործ և նկարիչ Մանվելի կողմից։ Տաճարի արտաքին պատերը զարդարված են 6 հորիզոնական շարք կազմող զարդաքանդակներով, որոնք չեն խախտում պատերի հարթությունը։ Արևելյան ճակատին պատկերված են Թադևոս և Բարդուղիմեոս առաքյալները։ Նրանց կողքին են նաև Գրիգոր Լուսավորիչը, Արծրունյաց տան եպիսկոպոսները, արաբական արշավանքների ժամանակ հերոսացածները, այդ թվում՝ հարազատներով շրջապատված Արծրունյաց ցեղի 4 ներկայացուցիչ։ Եկեղեցու պատերից մեկին պատկերված է խաղողի մշակման ամբողջ ընթացքը՝ որթը տնկելուց մինչև գինու պատրաստելը։ Եկեղեցին զրկվել է հավատացյալներից 1915թ.:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
