Ռուսաստանի ԱԳ փոխնախարարը հանդիպել է Բաշար Ասադի հետ18 սեպտեմբերի 2013 - 16:45 AMT PanARMENIAN.Net - ՌԴ ԱԳ փոխնախարար Սերգեյ Ռյաբկովը չորեքշաբթի Դամասկոսում բանակցել է Սիրիայի նախագահ Բաշար Ասադի հետ: Նախօրեին Սերգեյ Ռյաբկովը տևական բանակցություններ է վարել Սիրիայի փոխարտգործնախարար Վալիդ Մուալլեմի հետ, որտեղ, մասնավորապես, քննարկվել է սիրիական քիմիական զենքը միջազգային հսկողությանը հանձնելու մասին ռուս-ամերիկյան պլանը, հայտնում է «ՌԻԱ Նովոստի» գործակալությունը: Ըստ ռուս դիվանագետի, հանդիպումն անցել է կառուցողական և գործարար մթնոլորտում, իսկ սիրիական կողմը պատասխանատվությամբ է մոտենում քիմիական զենքի վերաբերյալ տվյալները Քիմիական զենքի արգելման կազմակերպությանը հանձնելու մասին: Ռյաբկովը նաև հայտնել է, որ Սիրիայի իշխանությունները Մոսկվային են փոխանցել զինյալ ընդդիմության կողմից քիմիական զենքի օգտագործման նոր իրեղեն ապացույցներ: ՄԱԿ գլխավոր քարտուղար Պան Գի Մունը ներկայացրել է ՄԱԿ տեսչության զեկույցը ԱԽ փակ նիստում՝ հրապարակումից առաջ: «Դա ռազմական հանցագործություն է և միջազգային իրավունքի լուրջ խախտում: Արդյունքներն անվիճելի են: Փաստերն ինքնին խոսուն են»,-ասել է Պան Գի Մունը: Զեկույցում ասվում է, որ «բնական, քիմիական և բժշկական նմուշները հստակ և համոզիչ ապացույցներ են ներկայացնում», որ Դամասկոսում օգոստոսի 21-ին «ցամաք-ցամաք» տիպի հրթիռներ են օգտագործվել զարինի պարունակությամբ: Ապստամբներն ու նրանց արևմտյան ու արաբական դաշնակիցները օգոստոսի 21-ի հարձակման մեղքը բարդում են Ասադի ռեժիմի վրա: Ասադի ռեժիմը պնդում է, որ քիմիական զենք են կիրառել նաև ապստամբները: Քաղաքացիական պատերազմը Սիրիայում շարունակվում է արդեն 2 տարի: Այդ ընթացքում, ՄԱԿ տվյալներով, ավելի քան 100 հազար մարդ զոհվել է, 2 մլն՝ դարձել փախստական, ևս 4 մլն՝ ներքին տեղահանված անձինք են: ԱՄՆ-ն Ասադին մեղադրում է օգոստոսի 21-ին Դամասկոսի արվարձանում քիմիական հարձակման մեջ, որի հետևանքով ավելի քան 1400 մարդ զոհվեց: Սիրիական իշխանությունները կտրականապես հերքում են քիմիական զենքի կիրառումն ու հարձակման մեջ մեղադրում են ապստամբներին: Հղումներ թեմայով. Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Դանիելյանը հաստատել է՝ կան կիրանցեցիներ, որոնք ճնշման տակ համաձայն են փոխհատուցման Փոխհատուցման չափի ու հաշվարկի մեխանիզմի վերաբերյալ որևէ բառ դիմումի տեքստում չկա ՔՊ-ական․ Եկեղեցին ունի չօգտագործվող տարածքներ, որոնք կարող են օգտակար լինել պետությանը «Քրիստոնեությունը չգողության, չկոռուպցիայի, չստվերի մասին է, մեր ընկալմամբ՝ հենց այս տրամաբանությամբ պետք է եկեղեցին առաջնորդվի»,–ասել է նա Խարատյան․ Փաշինյանին պետք է բացատրել, հուշել կամ սաստել, որ չխոսի հարցերի շուրջ, որոնց մասին բավարար տեղեկացված չէ Անդրադառնալով ՀԱԵ մասին Փաշինյանի հայտարարություններին՝ նա ասել է․ Չես կարող օգնել, գոնե փորձիր չվնասել «Վերջին զանգի» առթիվ ոստիկանությունն ուժեղացված ծառայություն կիրականացնի Բոլոր այն դպրոցներում, որտեղ նախատեսված են տոնական միջոցառումներ, կլինեն ոստիկանության ծառայողներ |