  ANCA-ն կոչ է անում Օբամային դատապարտել Իլհամ Ալիևի հակահայկական ելույթները 21 սեպտեմբերի 2013 - 12:22 AMT PanARMENIAN.Net - Արտահայտելով ԱՄՆ հայ համայնքի վրդովմունքը վերջին տարիներին Ադրբեջանի նախագահ Իլհամ Ալիևի հակահայկական հայտարարությունների և ելույթների վերաբերյալ՝ Ամերիկայի Հայ Դատի հանձնախմբի (ANCA) նախագահ Քեն Խաչիկյանը կոչ է արել ԱՄՆ նախագահ Բարաք Օբամային հրապարակավ դատապարտել Ադրբեջանի նախագհի սպառնալիքները, նրա կոչերը նոր էթնիկ զտումներին և մարդասպան Ռամիլ Սաֆարովի գովաբանումը նրա կողմից: ԱՄՆ նախագահին հասցեագրված նամակում Խաչիկյանը նշել է, որ ԱՄՆ հաստատակամ դիրքորոշումը, ի պատասխան Իլհամ Ալիևի սեպտեմբերի 17-ի ելույթին, կկարողանա զերծ պահել Բաքվին ԼՂՀ դեմ պատերազմ սկսելու գայթակղությունից: Խաչիկյանի նամակում մասնավորապես ասվում է, որ ԱՄՆ-ն, որպես ԵԱՀԿ ՄԽ համանախագահ, պետք է դատապարտի Իլհամ Ալիևի հայտարարությունները: «Իլհամ Ալիևը հրապարակավ սպառնում է վերսկսել պատերազմը Լեռնային Ղարաբաղի դեմ և գովաբանում է Բաքվում հայերի դեմ իրականացված էթնիկ զտումները, զգուշացնելով, թե Ադրբեջանը պատրաստ է կրկնել այդ ոճրագործությունները: Նա պնդում է, թե գործնականում Հայաստանի բոլոր ինքնիշխան տարածքները, ներառյալ Երևանը, ադրբեջանական են, գովաբանում է մարդասպան Ռամիլ Սաֆարովին՝ ներում շնորհելով նրան: Մենք հուսով ենք, որ ԱՄՆ հաստատակամ դիրքորոշումը կկարողանա զերծ պահել Բաքվին ԼՂՀ դեմ պատերազմ սկսելուց և խնդրում ենք Ձեզ խստորեն դատապարտել նախագահ Ալիևի ելույթները: Օգտվելով հնարավորությունից, մենք մեր պատրաստակամությունն ենք հայտնում աշխատելու վարչակազմի հետ և հանդիպում ունենալու նախագահի հետ՝ քննարկելու համար վարչակազմի քաղաքականությունն այդ հարցում, Հայոց ցեղասպանությունը ճանաչելու ձեր խոստումն ու հայ-ամերիկյան հարցերի ողջ շրջանակը»,-ասվում է նամակում: Սեպտեմբերի 17-ին Ադրբեջանի նախագահ Իլհամ Ալիևը ընտրողների առջև իր ելույթում հայտարարել է, թե ճիշտ է վարվել ներում շնորհելով հայ սպա Գուրգեն Մարգարյանին կացնահարած Սաֆարովին: Նա նաև ասել է, թե Երևանը, Սևանը, ընդհանրապես ողջ Հայաստանը «բուն ադրբեջանական տարածքներ են և շուտով դրանք կազատագրվեն»: Հայ սպա Գուրգեն Մարգարյանը, որը Բուդապեշտում մասնակցում էր ՆԱՏՕ-ի դասընթացներին, 2004 թվականի փետրվարի 19-ին քնած ժամանակ կացնահարվեց դասընթացների ադրբեջանցի մասնակից Ռամիլ Սաֆարովի կողմից: Գուրգեն Մարգարյանի շիրիմը գտնվում է Երևանի Եռաբլուր պանթեոնում:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
