Սիրիայի գրոհայինները չեն ճանաչում Սիրիայի ազգային կոալիցիան և հավատարմության երդում են տալիս «Ալ Քայիդային»25 սեպտեմբերի 2013 - 16:59 AMT PanARMENIAN.Net - Սիրիացի ապստամբների մի շարք խմբավորումներ հայտարարել են, որ չեն ընդունում չափավոր սիրիական ընդդիմությունը, որը Արևմուտքը լեգիտիմ է համարում որպես հակազդեցություն պաշտոնական Դամասկոսին: Այդ մասին հայտնում է Reuters գործակալությունը, ինտերնետում հայտնված գրոհայիններից մեկի տեսաուղերձի վրա հղումով: Ըստ ապստամբների հայտարարության, գրոհայինների առնվազն 13 խումբ պաշտոնապես դարձել է «Ջաբհաթ ան Նուսրայի», որն, ինչպես համարվում է, կապված է «Ալ Քայիդայի» հետ, ինչպես նաև «Բրիգադ Ահրար էշ Շամ» և «Լիվա էլ Տահուդի բրիգադներ» կազմակերպությունների անդամ: Ավելի վաղ հաղորդագրություններ եղան, որ սիրիացի ապստամբների խմբերը վերջերս նաև անդամակցում են «Իրաքի և Լևանտի իսլամական պետություն» կազմակերպությանը: «Սիրիայի ազգային կոալիցիան, որը Արևմուտքի կողմից ճանաչվում է որպես Սիրիայի լեգիտիմ չափավոր ընդդիմություն, և նրա կառավարությունը Ահմադ Թումեհի գլխավորությամբ մեր ներկայացուցիչները չեն և նրանց իշխանությւնը մենք չենք ճանաչում»,-հայտարարել է տղամարդը՝ ընթերցելով ապստամբների ուղերձը տեսանյութում: Պաշտոնապես չափավոր ընդդիմությունից անջատված խմբավորումների ընդհանուր քանակն անհայտ է: Հայտնի չէ նաև, թե որքան ժամանակ են նրանք պայքարում իսլամիստների շարքերում և արդյոք այն երկու խմբավորումների ու մի քանի հարյուր գրոհայինների թվում են, որոնց միանալու մասին «Ջաբհաթ ան Նուսրային» հայտնի դարձավ դեռ նախորդ շաբաթ: Ինչպես նախկինում բազմիցս հայտարարել են Սիրիայի իշխանություների ներկայացուցիչները, ներառյալ նախագահ Ասադին, ինչպես նաև նրանց մերձակա դաշնակիցներն այդ հարցում, Ռուսաստանն ու Իրանը, վատագույնը, ինչ կարող է անել համաշխարհային հանրությունն այս դեպքում, դա Դամասկոսի դեմ ռազմական գործողություն սկսելը կլինի: Ռազմական գործողությունը, որտեղ հավանաբար կառավարական ուժերը մեծ կորուստներ կունենան, ձեռնատու կլինի ոչ միայն չափավոր ընդդիմությանը: Հավանաբար, նա իշխող կառավարության պաշտոնանկությանը հասնելու շանս կստանա: Սակայն, երկարաժամկետ հեռանկարում չի կարողանա պահել իշխանությունը, քանի որ Ասադի պրոֆեսիոնալ բանակի թուլացումը կհանգեցնի ծայրահեղականների ազդեցության ուժեղացմանը երկրում և նույնիսկ տարածաշրջանում, հայտնում է Newsru.com-ը: Սիրիայում արդեն 2 տարի է քաղաքացիական պատերազմ է: Այդ ընթացքում, ՄԱԿ տվյալներով, ավելի քան 100 հազար մարդ զոհվել է, 2 մլն՝ դարձել փախստական, ևս 4 մլն՝ ներքին տեղահանված անձինք են: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Փաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցում Օդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ |