Վ.Օսկանյանը Վաշինգտնում մի շարք հանդիպումներ է ունեցել ԱՄՆ Պետդեպարտամենտի բարձրաստիճան ներկայացուցիչների հետ29 մարտի 2006 - 16:36 AMT PanARMENIAN.Net - ՀՀ ԱԳ նախարար Վարդան Օսկանյանը Վաշինգտոնում իր երկօրյա աշխատանքային այցի ընթացքում մի շարք հանդիպումներ ունեցավ ԱՄՆ պետդեպարտամենտի բարձրաստիճան պաշտոնյաների հետ, հաղորդում է ՀՀ ԱԳՆ մամլո ծառայությունը: Մասնավորապես, ՀՀ ԱԳ նախարարը հանդիպել է ԱՄՆ պետքարտուղար Քոնդոլիզա Ռայսի, Եվրոպայի եւ Եվրասիայի հարցերով ԱՄՆ պետքարտուղարի տեղակալ Դանիել Ֆրիդի եւ փոխտեղակալ Մեթյու Բրայզայի հետ: Հանդիպումների ժամանակ քննարկվեցին երկկողմ համագործակցության հարցեր, այդ թվում տնտեսական եւ ժողովրդավարության աջակցության ծրագրեր: Կողմերն անդրադարձան նաեւ տարածաշրջանային հարցերին, մասնավորապես էներգետիկ անվտանգության ու էներգակիրների դիվերսիֆիկացիայի խնդիրներին: Բացի այդ Վարդան Օսկանյանը հանդիպել է նաեւ ԵԱՀԿ Մինսկի խմբի ԱՄՆ համանախագահ Սթիվեն Մանի հետ: Հանդիպման զրույցի հիմնական թեման ղարաբաղյան կարգավորման գործընթացն էր: Վ. Օսկանյանը կրկին նշեց, որ Հայաստանը պատրաստ է լուծումը փնտրել բանակցությունների միջոցով: Մարտի 28-ին Վ. Օսկանյանը ելույթ ունեցավ նաեւ Վաշինգտոնի Մամուլի ազգային ակումբում: Մարտի 29-ին նախարար Օսկանյանը Վաշինգտոնից մեկնեց Նյու-Յորք, ուր նախատեսված են հանդիպումներ ՄԱԿ-ի Գլխավոր քարտուղար Քոֆի Աննանի եւ այլ բարձրաստիճան պաշտոնյաների հետ: Ուշագրավ Փաշինյանը շնորհակալություն է հայտնել Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Ամենաընթերցվողը բաժնում | Դեբեդ, Աղստև գետերի ավազաններում և Սևանի հարավային ափում ջրի ելքերի կմեծանան Սևանում տեղատարափ անձրև է Բայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համա Ֆրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութ Փաշինյանն աղետի գոտի է այցելել Նա այցելել է Վանաձոր-Ալավերդի միջպետական ճանապարհի Մարց գյուղի հատված |