Մոսկվայում վերցրել են 370 հազար ներգաղթյալների մատնահետքերը24 հոկտեմբերի 2013 - 13:47 AMT PanARMENIAN.Net - Ռուսաստանում շուրջ 2 մլն ներգաղթյալների մատնահետքեր են վերցրել, Մոսկվայում վերցրել են 370 հազար միգրանտների մատնահետքերը: Այս տվյալները հրապարակել է Ռուսաստանի Դաշնային միգրացիոն ծառայության ղեկավար Կոնստանտին Ռոմոդանովսկին՝ ելույթ ունենալով Պետդումայում կառավարական ժամի շրջանակում: «Մատնահետքերի ավտոմատացված համակարգի ստեղծումը օտարերկրացի քաղաքացիների համար թույլ է տվել տարեսկզբից պարտադիր կերպով մատնահետքեր վերցնել օտարերկրացի աշխատանքային ներգաղթյալներից»,-ասել է Ռոմոդանովսկին: Ըստ նրա, «ընդհանուր առմամբ Ռուսաստանի տարածքում այդ թիվն արդեն հատել է 2 միլիոնը, իսկ Մոսկվայում այն կազմել է 370 հազար», հայտնում է Ինտերֆաքսը: ՌԴ նախագահ Վլադիմիր Պուտինը օրենք է ստորագրել, որտեղ ասվում է, որ ազգամիջյան բախումների պատասխանատվությունը կրելու են տարածաշրջանային իշխանությունները: Նախկին խորհրդային հանրապետություններից ներգաղթյալների դեմ ազգային հողի վրա բողոքներն ու վերջին բախումները տեղի ունեցան Մոսկվայում: Հոկտեմբերի 13-ին Արևմտյան Բիրյուլովո թաղամասում անկարգությունների առիթ դարձավ հոկտեմբերի լույս 10-ի գիշերը տեղի բնակիչ 25-ամյա Եգոր Շչերբակովի սպանությունը: Սկզբում որպես «ժողովրդական հավաք» կազմակերպված ցույցը վերածվեց անկարգությունների: Ավելի ուշ հանցագործությունը կատարելու մեղադրանքով բերման ենթարկվեց ու ձերբակալվեց ադրբեջանցի Օրհան Զեյնալովը: Նա ձերբակալվեց մերձմոսկովյան Կոլոմնայում հոկտեմբերի 15-ին: Ձերբակալության ժամանակ Զեյնալովը դիմադրել է: Ավելի ուշ, օպերատիվ աշխատակիցների հետ զրույցում նա խոստովանել էր իր մեղքը՝ ասելով, թե ինքն է դանակով հարվածել Եգոր Շչերբակովին: ՌԴ իրավապահ մարմինները հայտարարել են, որ Զեյնալովը չունի ՌԴ քաղաքացիություն: Ըստ ՌԴ ՔԿ տվյալների, կասկածյալը մոտ 10 տարի է բնակվում է Մոսկվայում, սակայն բնակության մշտական վայր չունի, չարաշահում է ալկոհոլային խմիչքները, բռնկուն է, ագրեսիվ, մշտական աշխատանք չունի: Ավելի ուշ Զեյնալովը հրաժարվեց խոստովանական ցուցմունքներից: Զեյնալովը ձերբակալված կմնա մինչև դեկտեմբերի 10-ը: Հղումներ թեմայով. Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Բագրատ սրբազան․ Բաքվի հետ բանակցությունները պետք է լինեն երաշխավորների առկայությամբ, լավագույն հարթակը ՄԽ–ն է «Մենք իրական բանակցությունների կողմնակից ենք, ոչ թե պարտադրանքների, ուժի սպառնալիքի»,–ասել է նա Դեբեդ, Աղստև գետերի ավազաններում և Սևանի հարավային ափում ջրի ելքերի կմեծանան Սևանում տեղատարափ անձրև է Ֆրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութ Փաշինյանն աղետի գոտի է այցելել Նա այցելել է Վանաձոր-Ալավերդի միջպետական ճանապարհի Մարց գյուղի հատված |