Տաջիկստանում նախագահ են ընտրում

PanARMENIAN.Net - Նախագահական ընտրությունները Տաջիկստանում սկսվել են տեղական ժամանակով ժամը 06.00-ին: Բացվել է 68 ընտրահանձնաժողով և 3,158 հազար ընտրատեղամաս:

Մոտ 60 տեղամաս է բացվել երկրի սահմաններից դուրս, այդ թվում 24-ը Ռուսաստանի տարածքում: Պետական տպագրատանը տպագրվել է 4 մլն քվեաթերթիկ 4 լեզուներով՝ տաջիկերեն, ռուսերեն, ուզբեկերեն ու ղրղզերեն, հայտնում է «ՌԻԱ Նովոստին»: Բարձրագույն պաշտոնի համար թեկնածուներ են առաջադրել երկրի 5 քաղաքական կուսակցություն՝ իշխող Ժողովրդադեմոկրատականն իր առաջնորդ Էմոմալի Ռահմոնին, Կոմունիստականը՝ ԿԿ քարտուղար և խորհրդարանի պատգամավոր Իսմոիլ Տալբակովին, Ագրարայինը՝ Տոլիբեկ Բուխորիևին, Տնտեսական բարեփոխումների կուսակցությունը՝ իր առաջնորդ Օլիմջոն Բոբոևին: Սոցիալիստական կուսակցությունն ընտրություններում ներկաայցնում էր կուսակցության նախագահ Աբդուհալիմ Գաֆարովը:

Ընտրությունների ընթացքին կհետևի մոտ 50 միջազգային դիտորդ գրեթե 30 երկրից: ԱՊՀ դիտորդական առաքելությունը բաղկացած է 150 կարճաժամկետ դիտորդից, որոնց գլխավորում է ԱՊՀ գործադիր քարտուղար Սերգեյ Լեբեդևը: ԵԱՀԿ/ ԺՀՄԻԳ-ը Տաջիկստան է գործուղել 240 կարճաժամկետ և 30 երկարաժամկետ ընտրող: Երկրում գրանցվել է մոտ 4 մլն ընտրող, ևս 1,2 մլն՝ Ռուսաստանում:

Ակնկալվում է, որ գործող նախագահը կվերընտրվի նոր յոթնամյա ժամկետով: Էմոմալի Ռահմոնը 2006 թ. նախագահական ընտրություններում ստացել էր ընտրողների քվեների 79 տոկոսը: ԵՄ և ԱՄՆ դիտորդները դեռ ոչ մի անգամ Տաջիկստանումընտրություններնազատ ու թափանցիկչեն ճանաչել: