Տաջիկստանի նախագահ Էմոմալի Ռահմոնը հաղթում է ընտրություններում 83,6 տոկոսով

7 նոյեմբերի 2013 - 11:00 AMT

PanARMENIAN.Net - Տաջիկստանի գործող նախագահ Էմոմալի Ռահմոնը, ըստ նախնական տվյալների, հաղթում է ընտրություններում 83,6 տոկոսով (3 մլն 23 հազար քվե), հայտնել է ճեպազրույցում ԿԸՀ ղեկավար Շերմուհամմադ Շոհիեն:

«Ընտրողների մասնակցությունը կազմել է 86,6 տոկոս (3 մլն 640 հազար քվե), որից Ռահմոնի օգտին իրենց ձայներն են տվել 83,6 տոկոսը»,-ասել է նա: Ըստ ԿԸՀ ղեկավարի, մնացած հինգ թեկնածուները հավաքել են մոտ 5 կամ պակաս տոկոս:

Ըստ ԿԸՀ ղեկավարի, մասնակիցների ճշտված թիվը կազմել է 4 մլն 201 հազար 156 մարդ՝ բացատրելով դա աշխատանքային ներգաղթյալներից շատերի վերադարձով:

Ավելի վաղ հայտարարվել էր, որ ընտրողների քանակը կազմում է 4 մլն 35 հազար մարդ: Ըստ ԿԸՀ ղեկավարի, «ընտրություններն անցել են ըստ Տաջիկստանի օրենսդրության, եղել են ազատ, արդար, թափանցիկ, գրանցվել է ընտրողների բարձր ակտիվություն», ստեղծված էին բոլոր պայմանները «այդ կարևոր ժողովրդավարական գործընթացի կազմակերպման համար»:

Նախագահական ընտրություններին մասնակցել է 6 թեկնածու, հայտնում է «ՌԻԱ Նովոստին»: Բարձրագույն պաշտոնի համար թեկնածուներ էին առաջադրել երկրի 5 քաղաքական կուսակցություններ՝ իշխող Ժողովրդադեմոկրատականն իր առաջնորդ Էմոմալի Ռահմոնին, Կոմունիստականը՝ ԿԿ քարտուղար և խորհրդարանի պատգամավոր Իսմոիլ Տալբակովին, Ագրարայինը՝ Տոլիբեկ Բուխորիևին, Ժողովրդավարական կուսակցությունը՝ Սաջաֆար Իսմոնովին, Տնտեսական բարեփոխումների կուսակցությունը՝ իր առաջնորդ Օլիմջոն Բոբոևին: Սոցիալիստական կուսակցությունն ընտրություններում ներկաայցնում էր կուսակցության նախագահ Աբդուհալիմ Գաֆարովը: Բոլոր թեկնածուները ձեռնպահ են մնացել գործող նախագահի սուր քննադատությունից:

Հղումներ թեմայով.

http://rian.ru

http://reuters.com