 Մանն. Իրանի հետ «վեցնյակի» բանակցությունների արդյունքում պետք է փաստաթուղթ ընդունվի 22 նոյեմբերի 2013 - 12:17 AMT PanARMENIAN.Net - Իրանի հետ միջազգային միջնորդների «վեցնյակի» բանակցությունների արդյունքում պետք է փաստաթուղթ ընդունվի, որը ցույց կտա Իրանի միջուկային ծրագրի խաղաղ բնույթը, լրագրողներին է ասել արտաքին գործերի ու անվտանգության քաղաքականության գծով ԵՄ բարձրագույն ներկայացուցիչ Քեթրին Էշթոնի մամուլի քարտուղար Մայքլ Մաննը Ժնևում բանակցությունների երկրորդ օրվա ավարտին, հայտնում է «ՌԻԱ Նովոստի» գործակալությունը: «Այդ բանակցային գործընթացը պետք է ավարտվի համաձայնությամբ, որը կհավաստիացնի միջազգային հանրությանը, որ Իրանի միջուկային ծրագիրը միանգամայն խաղաղ բնույթ է կրում: Դա բարդ գործընթաց է: Պետք է լինի մի համաձայնություն, որը միանշանակ կլինի բոլորի համար»,- ասել է Մաննը: Հինգշաբթի Էշթոնը երկու երկկողմ հանդիպում է ունեցել Իրանի ԱԳ նախարար Ջավադ Զարիֆի հետ, որոնք ընդհանուր առմամբ տևել են գրեթե 5 ժամ: Մաննը հստակեցրել է, որ խոսք է գնացել «էական, առանցքային հարցերի մասին»: Բանակցությունները կշարունակվեն այսօր՝ նոյեմբերի 22-ին և կմեկնարկեն Էշթոն-Զարիֆ հանդիպմամբ: Իրանի և «վեցնյակի» բանակցությունների նախորդ փուլն ավարտվեց Ժնևում նոյեմբերի 10-ին առանց որևէ համաձայնության, սակայն կողմերը հասկացրեցին, որ որոշակի առաջընթացի են հասել: Իսրայելը, ԱՄՆ-ն, մի շարք այլ արևմտյան երկրներ կասկածում են Իրանին միջուկային զենք մշակելու մեջ խաղաղ ատոմի ծրագրի քողի ներքո: Թեհրանը մերժում է բոլոր մեղադրանքները՝ հավաստիացնելով, որ իր միջուկային ծրագիրը բացառապես խաղաղ բնույթ ունի: Հղումներ թեմայով.    Իրանի միջուկային ծրագիր Իրանի միջուկային ծրագիրը սկիզբ է առել 1967թ., երբ Ամերիկան Իրանի շահ Մուհամմեդ Ռըզա Փեհլեվիին փոխանցեց 5 ՄՎտ հզորությամբ ատոմային ռեակտորը: Ռեակտորի շինարարության գործում այնուհետեւ տեխնոլոգիական օգնություն են ցուցաբերել Գերմանիան եւ Ֆրանսիան: Իրանը 1968թ. ստորագրել է Միջուկային զենքի չտարածման մասին պայմանագիրը եւ վավերացրել է այն 1970թ.:\r\n\r\nՆերկայումս համաշխարհային հանրությունը դեմ է նրան, որ Իրանն ուրան հարստացնի իր տարածքում` մտավախություն ունենալով, որ այդ դեպքում Թեհրանը անպայման ձեռնամուխ կլինի միջուկային զենքի ստեղծմանը: Իսկ Իրանը հրաժարվում է փոխզիջումների գնալ: Մոսկվան փորձում է գործել որպես միջնորդ` դեռ 2005թ. աշնանը ՌԴ-ն առաջարկեց Թեհրանին ուրանը հարստացնել ՌԴ տարածքում:\r\n\r\n2010թ. հունվարի սկզբին Իրանը տեղեկացրեց ՄԱԳԱՏԷ-ին, որ վերսկսում է իր հետազոտությունները: Հունվարի 10-ին Իրանի իշխանությունները ՄԱԳԱՏԷ-ի ներկայացուցիչների ներկայությամբ վերաբացեցին Նաթանզեում, Պարսում եւ Ֆարայանդում գտնվող միջուկային հետազոտական կենտրոնները:  Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
