Յուլիա Տիմոշենկոն անժամկետ հացադուլ է հայտարարել հանուն ԵՄ հետ համաձայնագրի ստորագրման26 նոյեմբերի 2013 - 10:37 AMT PanARMENIAN.Net - Յուլիա Տիմոշենկոն անժամկետ հացադուլ է հայտարարել, պահանջելով Ուկրաինայի իշխանություններից ստորագրել ԵՄ հետ ասոցացման համաձայնագիրը, հայտնում է «ՌԻԱ Նովոստին» Ուկրաինային նախկին վարչապետի փաստաբանի վրա հղումով: Հացադուլ հայտարարելու որոշումը կայացվեց Ուկրաինայի խորհրդարանում հերթական օրինագծի քննարկման մեկնարկին զուգահեռ, որը կոչված է լուծելու Տիմոշենկոյի խնդիրը: Նոր օրինագիծը ներկայացրել են ուկրաինական ընդդիմության ներկայացուցիչները: Նախորդ օրինագծերը, որոնք թույլ էին տալու Ուկրաինայի կալանավորներին բուժում ստանալ արտերկրում, մերժվեցին իշխող Ռեգիոնների կուսակցության կողմից անցած շաբաթ: Նոյեմբերի 21-ին Ուկրաինայի նախարարների կաբինետը կարգադրեց դադարեցնել Եվրամիության հետ ասոցացման համաձայնագրի ստորագրման գործընթացը: Կառավարությունը հանձնարարել է նախարարություններին միջոցներ ձեռնարկել պետական նպատակային, ոլորտային ու տարածաշրջանային ծրագրերում փոփոխություններ կատարելու ուղղությամբ, որոնք միտված կլինեն ԱՊՀ անդամ երկրների հետ առևտրի, արտադրական կոոպերացիայի և տեխնոլոգիաների փոխանակման զարգացմանը՝ «պահպանելու համար աշխատատեղերն ու լուծելու համար այլ սոցիալական հարցեր պետության տնտեսական կայունության բարձրացման հիման վրա»: Ուկրաինա-ԵՄ նախաստորագրված ասոցացման մասին համաձայնագիրը նախատեսվում էր ստորագրել նոյեմբերի 28-29-ին Վիլնյուսում՝ Արևելյան գործընկերության գագաթաժողովում: Կիևի կենտրոնում հանրահավաքները շարունակվում են հինգշաբթի օրվանից, երբ կառավարությունը հայտարարեց ԵՄ հետ ասոցացման համաձայնագրի ստորագրումը հետաձգելու մասին: Կիրակի և շաբաթ օրերին տեղի ունեցան բախումներ, եղավ Ուկրաինայի կառավարության շենքը գրոհելու փորձ: Նախագահ Յանուկովիչը մտադիր է մասնակցել Վիլնյուսում կայանալիք Արևելյան գործընկերության գագաթաժողովին, չնայած, որ Կիևը որոշում է կայացրել կասեցնել ԵՄ հետ ասոցացման համաձայնագրի ստորագրումը: Հղումներ թեմայով. «Արևելյան գործընկերություն» «Արևելյան գործընկերություն» ծրագիրը ներկայացվել է Լեհաստանի ԱԳՆ-ի կողմից Շվեդիայի մասնակցությամբ 2008 թ-ի մայիսի 26-ին Արտաքին հարաբերությունների խորհրդին: 2009 թ-ի մայիսի 7-ին Պրահայում (այն ժամանակ Պրահան նախագահում էր ԵՄ-ում) «Արևելյան համագործակցություն» ծրագրի շրջանակներում տեղի ունեցավ հիմնադիր հանդիպում: Այդ նախագծի գլխավոր նպատակը ԵՄ-ի մերձեցումն է նախկին ԽՍՀՄ երկրների` Հայաստանի, Մոլդովայի, Բելառուսի, Ուկրաինայի, Ադրբեջանի, Վրաստանի հետ: Ուշագրավ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական | Գլենդելի քաղաքապետը կժամանի Հայաստան Նա կայցելի Երևան, Գյումրի գուցե նաև Կապան «Երևանի գինու օրերը»՝ Ակբա բանկի հետ Այս տարի 12-ով ավելացել է մասնակից գինեգործների թիվը՝ հասնելով 87-ի Օ՛Բրայեն. ՀՀ հետ առևտուրն ընդլայնելու, գլոբալ առևտրում երկրի մասնաբաժինը մեծացնելու հնարավորություն կա Նա նշել է, որ մաքսային ոլորտում տեղեկատվության փոխանակման մասին համաձայնագիր կստորագրվի Օ՛Բրայեն. Շարունակելու ենք աշխատել ՀՀ հետ պաշտպանության և անվտանգության հարցերում «Անցած տարի տեղի ունեցավ առաջին համատեղ զորավարժությունը, սպասում ենք ավելիի»,–ասել է նա |