  Բաքուն Ռուսաստանից «նեղանալու» նոր առիթ ունի. Հայերի մասին ադրբեջանական «գիրքը» կարող է ծայրահեղական ճանաչվել 30 նոյեմբերի 2013 - 14:24 AMT PanARMENIAN.Net - Դեկտեմբերի 12-ին ՌԴ Կրասնոյարսկի կենտրոնական քաղաքային դատարանում տեղի կունենա Ադրբեջանում հրատարակված «Հայկական ահաբեկչություն» գրքի վերաբերյալ դատական նիստը, որտեղ գիրքը կարող է «ծայրահեղական նյութ» համարվել: Ինչպես հայտնում է ԱՊԱ գործակալությունը, ըստ քննչական նյութերի, հոկտեմբերի 3-ին Ռուսաստանի ԱԴԾ Կրասնոյարսկի երկրամասի վարչությունից դատախազությունը հաղորդագրություն է ստացել երկրամասի տարածքում «Հայկական ահաբեկչություն» գրքի տարածման մասին: Հաղորդագրության մեջ ասվում է, որ գիրքը տարածում են երկրամասում բնակվող ադրբեջանցիները: Ըստ եզրակացության, որը ստացվել է Կրասնոյարսկի Աստաֆևի անվան պետական մանկավարժական համալսարանի մասնագետներից անցկացված հոգեբանական և լեզվաբանական հետազոտությունից հետո, գրքի առանձին հատվածներ, նրա ներածականը, ֆոտոնյութերն ու մեկնաբանությունները չեն կարող անաչառ նյութեր համարվել: Դրանք ուղղված են ընթերցողի մոտ «հայկական ահաբեկչության» գոյության մասին կարծիքի ձևավորմանը: Գրքում ասվում է, որ հայազգի մարդկանց առանձին խմբեր ամբողջ աշխարհում «ֆիզիկական վնաս են հասցնում և ոչնչացնում են մարդկանց նրանց ազգային պատկանելության պատճառով, ինչպես նաև նպատակային աշխատանք են տանում սերմանելու համար ազգային ու կրոնական թշնամանք»: Դատախազությունը, «ծայրահեղական գործունեության դեմ» դաշնային օրենքի վրա հղումով, ելնելով ՌԴ շահերից, այդ գիրքը ճանաչել է «ծայրահեղական նյութ» և համապատասխան որոշումն ուղարկել է դատարան: Դատախազությունը խնդրել է դատարանին «Հայկական ահաբեկչություն» գիրքը ճանաչել «ծայրահեղական նյութ» և որոշման պատճենն ուղարկել ՌԴ արդարադատության նախարարություն՝ ներառելու համար այդ հրատարակությունը ծայրահեղական նյութերի ցուցակում: 1992 թվականին Ադրբեջանում հրատարակված գրքի հեղինակներն են Ադրբեջանի այժմ հանգուցյալ նախկին դատախազ Իսմետ Ղաիբովն ու «Ազերինֆորմի» (ԱզերԹԱջ) գլխավոր տնօրեն Ազադ Շարիֆովը: Ադրբեջանական ԶԼՄ-ներն արդեն գնահատել են գիրքը ծայրահեղական ճանաչելու վերաբերյալ հնարավոր որոշումը որպես քայլ, որը բացասաբար կանդրադառնա Ադրբեջանի ու Ռուսաստանի երկկողմ հարաբերությունների վրա: Հղումներ թեմայով.   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
