 ՏՄՊՊՀ. Ապրանքների նախատոնական թանկացում չպետք է լինի  12 դեկտեմբերի 2013 - 17:36 AMTPanARMENIAN.Net - Նախատոնական օրերին Տնտեսական մրցակցության պաշտպանության պետական հանձնաժողովը կխստացնի բարձր կոնցենտրացիայով շուկաների հանդեպ վերահսկողությունը: Դեկտեմբերի 12-ին կառավարության նիստից հետո այս մասին լրագրողներին ասել է ՏՄՊՊՀ նախագահ Արտակ Շաբոյանը: «Պոտնեցիալ ռիսկային ենք համարում այն շուկաները, որտեղ գործում են քիչ թվով սուբյեկտներ: Ուստի կկենտրոնանանք հենց դրանց վրա, իսկ որտեղ տասնյակ ու հարյուրավոր ձեռնարկություններ կան, հսկողությունը շատ ուժեղ չի լինի»,- ասել է Շաբոյանը: Արտակ Շաբոյանը նշել է նաև, որ մանրածախ վաճառքում կկանխվեն ոչ միայն չհիմնավորված թանկացումները, այլև անբարեխիղճ գովազդային ակցիաները: «Ընկերությունները կպատժվեն, եթե ակցիաների և զեղչերի մասին հայտարարությունները չհամապատասխանեն իրականությանը»,- ասել է նա, գրում է ԱՌԿԱ գործակալությունը: Սակայն բազմամյա փորձը ցույց է տալիս, որ ապրանքների նախատոնական թանկացումներ լինում են, քանի որ տնտեսվարող սուբեյկտները ցանկանում են գերշահույթ ստանալ՝ բարձրացնելով իրենց ապրանքների գները: Նախօրեին «Իրազեկ և պաշտպանված սպառող» ՀԿ-ն նախագահ Բաբկեն Պիպոյանը մամուլի ասուլիսում ասել էր, որ Ամանորին ընդառաջ հնարավոր են թանկացումներ հատկապես պտուղ-բանջարեղենի շուկայում, իսկ մսամթերքը չի թանկանա: Ամանորի զեղչերի մասով մասնագետը նշել էր, որ պետք է ուսումնասիրել այս ոլորտը, քանի որ մի շարք խանութներում դրանք իրական չեն: 2013-ի նոյեմբերին, հոկտեմբերի համեմատ, պարենային ապրանքների գների արձանագրված 1.8% աճը հիմնականում ձկնամթերք, բանջարեղեն և կարտոֆիլ ապրանքախմբերի` 3.3-22% գնաճի արդյունք է: ՀՀ ազգային վիճակագրական ծառայության տվյալների համաձայն, մսամթերքի ապրանքախմբում 2013-ի նոյեմբերին 2012-ի նոյեմբերի համեմատ գներն աճել են 3.7%, իսկ 2013-ի հոկտեմբերի համեմատ գրանցվել է գների հարաբերականորեն կայուն մակարդակ: Ձվի հանրապետական միջին գինն այս նոյեմբերին 2012-ի նոյեմբերի համեմատ աճել է 30%-ով, իսկ այս հոկտեմբերի համեմատ` 0.1%-ով: Շաքարավազի հանրապետական միջին գինը 2013-ի նոյեմբերին՝ նախորդ նոյեմբերի համեմատ նվազել է 16.9%-ով, իսկ ակս հոկտեմբերի համեմատ` 1.5%-ով: 2013-ի հունվար-նոյեմբերին սպառողական գների միջին ամսական հավելաճը կազմել է 5,8 % նախորդ տարվա նույն ժամանակահատվածի համեմատ, իսկ 12-ամսյա կտրվածքով գնաճը նոյեմբերին կազմել է 6,6 տոկոս:   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
