Ռոբերտ Քոչարյանը կարեւորել է Հայաստան-ԵՄ անհատական գործակցության ծրագրի հնարավորինս արագ հաստատումը19 ապրիլի 2006 - 17:03 AMT PanARMENIAN.Net - Նախագահ Ռոբերտ Քոչարյանն այսօր ընդունել է Եվրամիություն-Հայաստան խորհրդարանական համագործակցության հանձնաժողովի 8-րդ նիստի մասնակիցների պատվիրակությանը, հաղորդում է ՀՀ նախագահի մամլո ծառայությունը: Կարեւորելով Եվրամիության նոր հարեւանության քաղաքականության շրջանակում Հայաստանի հետ անհատական գործակցության ծրագրի հնարավորինս արագ հաստատումը` Ռոբերտ Քոչարյանն ասել է, որ այն հնարավորություն կտա ավելի համակարգված հարաբերություններ ունենալ Եվրամիության հետ եւ նպատակաուղղված առաջ շարժվել: «Զարգացման եվրոպական ուղին ընտրած Հայաստանի ապագան մենք տեսնում ենք արդյունավետ կառավարման, արդյունավետ քաղաքական համակարգի եւ տնտեսության մեջ, իսկ դրան կարելի է հասնել միայն խորը եւ լայնածավալ բարեփոխումների ճանապարհով»,-ընդգծել է երկրի ղեկավարը: Եվրոպացի հանձնաժողովականների խնդրանքով, Հանրապետության նախագահը ներկայացրել է ղարաբաղյան հակամարտության խաղաղ կարգավորման բանակցությունների վերջին զարգացումները եւ Հայաստանի մոտեցումները:Շոշափվել են նաեւ Իրանի շուրջ ծավալվող իրադարձություններին, հայ-թուրքական հարաբերություններին առնչվող հարցեր: Թուրքիայի մասով Հանրապետության նախագահը նշել է, որ Հայաստանի դիրքորոշումը միանշանակ է` մեր երկիրը պատրաստ է առանց նախապայմանների գործնական հարաբերություններ կառուցել Թուրքիայի հետ: Զրուցակիցները կարեւորել են նաեւ Հայաստանում ժողովրդավարական գործընթացների խորացումը, առաջիկա ընտրությունները եվրոպական չափանիշներին համապատասխան կազմակերպումն ու անցկացումը: Ուշագրավ Վարույթ իրականացնող մարմինն այլևս չի կարծում, որ պետությանը պատճառվել է վնաս Փաշինյանը շնորհակալություն է հայտնել Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ամենաընթերցվողը բաժնում | Ալավերդի-Վանաձոր ճանապարհին սելավային հոսք է եղել Կան արգելափակված ավտոմեքենաներ Հայրիկյանը հացադուլ է հայտարարել «Հայաստանի իշխանությունների չարակամության պատճառով Հայաստանը դադարել է լինել իրավական պետություն»,–ասել է նա Ucom-ի ֆիքսված ցանցը գործարկվել է Նոր Հաճնում Մինչև օգոստոսի 31-ը Ucom–ին միացող Նոր Հաճնի բնակիչների համար նախատեսված են ակցիաներ Գալուզին․ ՌԴ դեսպանը վերադարձել է Երևան Գալուզինը նշել է, որ «դեսպանին խորհրդակցությունների կանչելը ստանդարտ ընթացակարգ է» |