  Ապրիլի 25-ին պաշտոնական այցով Հայաստան կժամանի Լիտվայի նախագահը21 ապրիլի 2006 - 15:54 AMT PanARMENIAN.Net - Հայաստանի նախագահ Ռոբերտ Քոչարյանի հրավերով ապրիլի 25-26-ը երկօրյա պաշտոնական այցով Հայաստան կժամանի Լիտվայի Հանրապետության նախագահ Վալդաս Ադամկուսը, հաղորդում է նախագահի մամլո ծառայությունը: Այցի հիմնական նպատակն է ամրապնդել միջպետական կապերը, նախանշել երկու երկրների միջեւ տնտեսական համագործակցության առաջնային խնդիրներն ու ուղղություններն, ինչպես նաեւ խթանել գիտակրթական եւ մշակութային կապերը` նոր որակ ու բովանդակություն հաղորդելով հայ եւ լիտվացի ժողովուրդների ավանդական բարեկամությանը:Ապրիլի 25-ին ՀՀ Նախագահի նստավայրում տեղի կունենա նախագահներ Ռոբերտ Քոչարյանի եւ Վալդաս Ադամկուսի առանձնազրույցը: Այնուհետեւ կկայանա պաշտոնական պատվիրակությունների ընդլայնված կազմով հանդիպումը, ապա երկու երկրների կառավարությունների միջեւ կստորագրվի ներդրումների խրախուսման եւ փոխադարձ պաշտպանության մասին համաձայնագիր: Հայաստան այցի օրերին Լիտվայի նախագահը հանդիպումներ կունենա վարչապետ Անդրանիկ Մարգարյանի, Ազգային ժողովի նախագահի տեղակալ Տիգրան Թորոսյանի հետ: Վալդաս Ադամկուսին կհյուրընկալի նաեւ Ն.Ս.Օ.Տ.Տ. Գարեգին Բ Ամենայն Հայոց կաթողիկոսը: Երեւանի պետական համալսարանում Լիտվայի նախագահը հանդիպում կունենա պրոֆեսորադասախոսական կազմի եւ ուսանողների հետ: Վալդաս Ադամկուսը կայցելի նաեւ Մեծ եղեռնի հուշահամալիր, Հայոց ցեղասպանության ինստիտուտ-թանգարան: Լիտվայի նախագահի գլխավորած պատվիրակությունը կլինի նաեւ Մատենադարանում եւ Սերգեյ Փարաջանովի թանգարանում:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
