ԱՄՆ փորձագետներ. Ասադը քիմզենք չի կիրառել Արևելյան Գուտայում17 հունվարի 2014 - 13:53 AMT PanARMENIAN.Net - Անցյալ տարվա օգոստոսին Դամասկոսի արվարձան Արևելյան Գուտայում զարինով հրթիռների կիրառումը վկայում է, որ Սիրիայի զինված ուժերն այդ զինամթերքը չէին կարող արտադրել: Այսպիսին է հայտնի ամերիկացի փորձագետներ՝ Մասաչուսեթսի տեխնոլոգիական ինստիտուտի պրոֆեսոր Թեոդոր Պոստոլի ու ՄԱԿ զինամթերքի գծով նախկին տեսուչ Ռիչարդ Լլոյդի եզրակացությունը, գրում է ԻՏԱՐ-ՏԱՍՍ-ը: Ըստ մասնագետների, Արևելյան Գուտայում օգտագործվել է «իմպրովիզացված» քիմզենք: Հրթիռների հեռահարությունը, որոնց գլխամասում տեղադրված էին զարին պարունակող ծավալներ, ըստ փորձագետների, մոտ 2 կմ է: Այդպիսով, եթե Սիրիայի զինված ուժերն այդ հրթիռներն այն ժամանակ կիրառած լինեին, ապա դրանք ուղղակի չէին հասնի թիրախին: «ՄԱԿ կողմից այդ քիմզինամթերքի հեռահարության անկախ գնահատականը ճշգրտությամբ համընկնում է մեր եզրակացությունների հետ»,- ասել են հետազոտության հեղինակները, որը կոչվում է «Դամասկոսում 2013-ի օգոստոսի 21-ին գազային հարձակման մասին ԱՄՆ սխալ տեխնիկական հետախուզական տեղեկատվության հնարավոր հետևանքները»: Ինչպես նշում են փորձագետները, «դա նշանակում է, որ այդ զինատեսակը չէր կարող թիրախավորել Արևելյան Գուտան…Սիրիայի կառավարության հսկողության տակ գտնվող գոտուց, ինչպես երևում է 2013-ի օգոստոսի 30-ին Սպիտակ տան հրապարակած քարտեզում, որտեղ ներկայացված է գաղտնազերծված հետախուզական տեղեկություններ»: Սիրիական զորքերի հսկողության տակ գտնվող շրջանները շատ ավելի հեռու են գնդակոծված թաղամասերից, քան 2 կմ: «Ինչպիսին էլ լինեն ամերիկյան հատուկ ծառայությունների աղաղակող սխալների պատճառները, ԱՄՆ վարչակազմը պետք է բացատրի դրանց պատճառները»,- ասել են փորձագետները: Նրանք կտրականապես մերժում են պնդումները, թե թունավոր նյութերով լցոնված զինատեսակները կարող էր պատրաստել միայն սիրիական բանակը: Ինքնաշեն քիմզենքը կարող է պատրաստել ցանկացած մարդ, գրում են Պոստոլն ու Լոյոդը: Բացի այդ, Արևելյան Գուտայում հայտնաբերված հրթիռները չեն նշված Բաշար Ասադի կառավարության կողմից ՔԶԱԿ փոխանցված զենքի ցանկում: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել ԱՄՆ–ն կշարունակի աջակցել ՀՀ-ում պաշտպանական բարեփոխումներին Պապաիկյանն ու ԱՄՆ դեսպանը քննարկել են համագործակցության ներկայիս ընթացքը և զարգացման հեռանկարները |